Korrupsiyani oldini olish, ushbu illatga qarshi kurashish borasidagi ishlar to‘g‘risida talabalarga kengroq ma’lumot berish maqsadida Filologiya fakulteti tyutori Zulfiyeva Kamola Kurbonovna tomonidan 6-7 UZB 20 guruh talabalari ishtirokida "Ogohlik – davr talabi” mavzusida davra suhbati o'tkazildi.
Ushbu davra suhbatida tyutor tomonidan korrupsiya, uning oldini olish haqida ma'lumotlar berildi. Korrupsiya bu — jamiyatni turli yo‘llar bilan iskanjaga oladigan dahshatli illatdir. Mazkur illat demokratiya va huquq ustuvorligi asoslariga putur yetkazadi, inson huquqlari buzilishiga olib keladi, bozorlar faoliyatiga to‘sqinlik qiladi, hayot sifatini yomonlashtiradi va odamlar xavfsizligiga tahdid soladigan uyushgan jinoyatchilik, terrorizm va boshqa hodisalar ildiz otib, gullashi uchun sharoit yaratib beradi.
Shuningdek, davra suhbatida pora bergan ham, pora olgan ham O'zbekiston Respublikasi "Jinoyat kodeksi"ning 211-moddasiga binoan jazolanishi; o'z xizmat mavqeidan foydalangan holda pora olgan shaxs esa 213-moddaga asosan jazolanishi to'g'risida to'liq ma'lumotlar berildi. Davra suhbati so‘ngida talaba-yoshlar tomonidan berilgan savollarga javoblar berildi.
