Oʻzbekiston yoshlar ittifoqi Markaziy Kengashi “Yoshlar press klubi”da taʼlim muassasalari oʻquvchilari oʻrtasida “Biz yoshlar yurtimizga xizmat qilishda vijdonli, insofli va halol boʻlishimiz shart” shiori ostidagi koʻrik tanlovning “Eng yaxshi plakat”, “Eng yaxshi surat”, “Eng yaxshi bayon” nominatsiyalari boʻyicha respublika bosqichi gʻoliblarini taqdirlash marosimi boʻlib oʻtdi.
Hakamlar hayʼatining xulosasiga koʻra, Oliy taʼlim muassasalari talabalari va oʻrta maxsus kasb hunar taʼlimi muassasalarining oʻquvchilari oʻrtasidagi tanlovda “Eng yaxshi surat” nominatsiyasi boʻyicha
Toshkent davlat pedagogika universiteti talabasi Ziyotbek Otakshiyev, Qoraqalpogʻiston Respublikasidagi Nukus avtomobil yoʻllari kasb-hunar kolleji oʻquvchisi Turanbek Jalgasbayev 1-oʻringa, Oʻzbekiston Milliy universiteti talabasi Sultonmurod Pardayev vaSirdaryoviloyati, Baxt yengil sanoat kasb-hunar kolleji oʻquvchisi Gaynulin Refat 2-oʻringa, Buxoro davlat universiteti talabasi Sardor Ravshanov hamda Namangan viloyati Jomashoʻy melioratsiya va qishloq хoʻjaligi kasb-hunar kolleji oʻquvchisi Feruza Miraxmedovalar 3-oʻringa sazovor boʻldi.
