2017 yil 17 yanvar kuni Buxoro davlat universiteti TTJda O’zbekiston Respublikasining “Korrupsiyaga qarshi kurashish to’g’risida”gi Qonunini o’rganishga bag’ishlangan davra suhbati bo’lib o’tdi. Tadbirda ma’naviyat va ma’rifat bo’limi, Milliy g’oya, ma’naviyat asoslari va huquq ta’limi kafedrasi katta o’qituvchisi U.B.Sobirov, TTJ tarbiyachilari va talabalar ishtirok etishdi.
Jamiyatimizda korrupsiya, turli jinoyatlarni sodir etish va boshqa huquqbuzarlik holatlariga qarshi kurashish, ularga yo’l qo’ymaslik, jinoyatga jazo, albatta, muqarrar ekani to’g’risidagi qonun talablarini amalda ta’minlash hamda qonunning mazmun-mohiyatini va korrupsiya illat ekanligini yoshlarga tushuntirish maqsadida tashkil etilgan tadbir talabalarning savol-javoblari asosida qizg’in o’tdi.
