#Talabalar_ijodidan
#Tabiiy_Fanlar
Otamga deb she'r yozaman...
Kimligimni unutib qo'ysam,
Kemtik ko'nglim hech to'lmaydida,
Ijodimda porlasam yonsam,
Otamga deb she'r yozmasam bo'lmaydida...
Xatomasmi bunday holatim,
Suyanganim piru davlatim,
Boshimda toj tog'dek savlatim,
Otamga deb she'r yozmasam bo'lmaydida...
Ta'lim bergan tarbiya bergan,
Halol rizqdan halol yedirgan,
Bolam degan bolajon degan,
Otamga deb she'r yozmasam bo'lmaydida...
Mehnat qilib bir lahzaga dam bilmagan,
Biror marta boshqalardan kam qilmagan,
Hayot zarba berganida yiqilmagan,
Otamga deb she'r yozmasam bo'lmaydida...
Avzal ko'rib farzandini shirin jondan,
Asradilar doim yaxshidan yomondan,
Mayli ortda qolib ketay bu zamondan,
Otamga deb she'r yozmasam bo'lmaydida...
Bu hayotni shuncha o'yin qilib yurdim,
O'ylamadim siqilmadim kulib yurdim,
O'zimni ham o'rniga bir qo'yib ko'rdim,
Otamga deb she'r yozmasam bo'lmaydida...
Joyi kelsa qurutdimda daryolarni,
Ayamasdan sochdim mol-u dunyolarni,
Farzand doim ota qadrin bilmaydida,
Otamga deb she'r yozmasam bo'lmaydida...
Bilmay qoldim menga nima qilganini,
Kech tushundim do'stim,dushman bo'lganini,
Endi kordim kim yonimda qolganini,
Otamga deb she'r yozmasam bo'lmaydida...
Ustamanku bir biridan shirin so'zga,
Qo'lim siltab go'zallarga ohu ko'zga,
Ijodimdan endi ko'nglim to'lmaydida,
Otamga deb she'r yozmasam bo'lmaydida...
Ijodimning tub tubiga cho'kib yozay,
Yuragimdagilar borini to'kib yozay,
She'rlarimni eng zo'rlari bilan bezay,
Otamga deb she'r yozmasam bo'lmaydida
✍️ ALIJON YO'LDOSHEV
Tabiiy Fanlar Fakulteti 2-1EkoKT-22 Talabasi
