#Talabalar_ijodidan
#Tabiiy_fanlar
Shoirlar she'r yozsa...
Ba'zida ich ichi dardlarga to'lib,
Sukunatda qolib yo mahzun bo'lib,
Har bitta misrani hayotdan olib,
Shoirlar she'r yozsa zamin titraydi.
Tashvishi qolganda o'ziga yetib,
Hayolida go'yo o'zin tark etib,
Alamli hasratli so'zlardan bitib,
Shoirlar she'r yozsa zamin titraydi.
Shoirlik yaratgan bergan bir hilqat,
Tasavvuri fikr-u hayoli diqqat,
Har bitta qatorda achchiq haqiqat,
Shoirlar she'r yozsa zamin titraydi.
Shoirga she'r yozish mushkul ish emas,
Shoirning faslida bahor,qish emas,
Uchadi qanotsiz lekin qush emas,
Shoirlar she'r yozsa zamin titraydi.
His qilib har bitta nozik tuyg'uni,
Bedorlikda o'tib qolganda tuni,
So'zlarga bekitib qo'yib qayg'uni,
Shoirlar she'r yozsa zamin titraydi.
Eshitib yaproqning shivirlashini,
Mayin tomchilarning shitirlashini,
Hislari be tartib dilni tirnaydi,
Shoirlar she'r yozsa zamin titraydi.
Faryodin tinglaydi tog'lar o'rmonlar,
Koʻngilga sig'masdan qolsa armonlar,
O'zingizga hushyor bo'ling yomonlar,
Shoirlar she'r yozsa zamin titraydi.
Yozadi konglida borini sochib,
Ijodiga kulib bag'rini ochib,
Qaygacha borasiz bu yerdan qochib?
Shoirlar she'r yozsa zamin titraydi...
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
