Buxoro davlat universitetida Yoshlar masalalari va ma'naviy-ma'rifiy ishlar bo‘yicha birinchi prorektori Akmal Nazarov hamda O‘quv-uslubiy departamenti boshlig`i o`rinbosari Muxlisov Sodiqjon tomonidan psixologiya ta’lim yo‘nalishi talabalari bilan uchrashuv tashkil etildi.
Uchrashuv davomida Shavkat Mirziyoyev va yoshlar o‘rtasida bo‘lib o‘tgan ochiq muloqot mazmun-mohiyati atroflicha muhokama qilindi. Xususan, Prezidentimiz tomonidan ilgari surilgan tashabbuslar, yoshlar bandligini ta’minlash, sifatli ta’limni rivojlantirish, ma’naviy-ma’rifiy ishlarni kuchaytirish hamda yoshlarning jamiyat hayotidagi faol ishtirokini qo‘llab-quvvatlash masalalari yuzasidan tushuntirishlar berildi.
Shuningdek, mas’ullar o‘z faoliyat yo‘nalishlari doirasida talabalar uchun yaratilayotgan imkoniyatlar, o‘quv jarayonini takomillashtirish, kredit-modul tizimi, akademik mobililik, shuningdek, Registrator ofisi tomonidan ko‘rsatilayotgan xizmatlar haqida batafsil ma’lumot berdilar. Talabalar tomonidan berilgan savollarga atroflicha javob qaytarilib, taklif va mulohazalar tinglandi.
