Qadrli Obidjon Xafizovich ! Men Respublika matbuotining faol jurnalistlaridan biri sifatida Sizni va Siz orqali oliygohning barcha professor-o’qituvchilarini, bu dargohda yoshlarga saboq berayotgan fidoiy muallimlarni mashaqqatli ishlariga omadlar tilagan holda ushbu qutlug’ maskanda tahsil olayotgan iste’dodli, kelajagi porloq bir talabaning ijodiga xolisona baho berish maqsadida qo’lga qalam olganimni bildirmoqchiman. Uni she’riyat osmonidagi mitti yulduzga o’xshatging keladi. Uning ohori to’kilmagan misralaridan dillar yayraydi. She’r- ko’ngil mulki deydilar… Umidli shoira tengdoshlari orasida yarq etib tobora ko’zga tashlanib borayotgan iste’dodli qalb sohibasi Maftunabonuning (Maftuna Jomurodova Jumaboy qizi) ijod namunalaridan bahra olgan kishining ko’nglida ana shunday pok tuyg’ular tug’yon urishi tabiiy. Maftuna Buxoro Davlat Universitetining Turizm fakulteti kasb ta’limi va amaliy san’at yo’nalishi 2 bosqich talabasi bo’lsada qator she’riy va hikoyalar to’plamining muallifiga aylangani uning zahmatkash ijodkor ekanligidan dalolat berib turibdi. Maftunabonuning “Mening Buxorom”, “Yurtim chiroyi”, “Sukunatni uyg’otar sog’inch” va “Kech uyg’ongan vijdon” nomli hikoya va she’riy to’plamlari adabiyot shinavandalariga noyob tuhva bo’ldi desak sira mubolog’a bo’lmaydi. Uning she’rlari muntazam ravishda viloyat va respublika gazetalarida hamda “Sharq Yulduzi” hamda boshqa qator jurnallarda chop etilib uning ijodi viloyat hamda respublika televideniyalarida namoyish qilinib kelinayotganligidan yaxshigina xabardorman.. Maftuna she’r va hikoyalar yozishi bilan bir vaqtda maqolalar ham yozib turadi. Viloyat va respublika gazetalarida jumladan, men faoliyat ko’rsatib kelayotgan Respublika “Adolat ko’zgusi” gazetasida, “Kamoliddin Bekzod miniatyuralarida nega bunchalik mashhur bo’lgan” maqolasi, “Buxoroi Sharif” va “Buxoro shifokori”gazetasida “ Kamoliddin Bekzod”,”Ogohlik-davr talabi”va “Boburiylar davrida miniatyuraning shakllanishi” deb nomlangan maqolalari chiqqan. Xuddi shuningdek uning beshinchi yangi she’riy kitobi chop etilishi arafasida turibdi. Men Maftunabonuning hayoti va ijodi haqida respublika matbuotida bir maqola tayyorlash jarayonida uning 2018 yilda Talabalar Respublika Fan olimpiadasida 3- o’rinni egallaganligi va 2019 yilda ham xuddi shu natijaga erishganligi uchun O’zbekiston Respublikasi Oliy va o’rta maxsus ta’lim vazirining va O’zbekiston Badiiy Akademiyasining diplomlari, BuxDu prorektorining faxriy yorlig’i, “Buxoro shahar kuni” festivalida aktiv ishtiroki uchun faxriy yorlig’ va viloyat Madaniyat Boshqarmasining faxriy yorliqlari bilan taqdirlanganligini hamda Yoshlar Ittifoqi va XDP a’zosi ekanligini bilib, to’g’risi Buxoroda ham Maftunabonuday tirishqoq va fidokorlar borligidan faxrlandim.Xullas, yangi iste’dod sohibasi Jomurodova Maftunaning(Maftunabonuning) ijodiy faoliyatiga yangi sahifalar bitishga asqotadigan talabalik-oltin davri ijodkorning hayotida o’chmas iz qoldiradi degan komil ishonch bilan ana shunday kamol topishiga keng yo’l va imkoniyatlar yaratib berayotgan Siz rahnomaligingizdagi kollektivga rahmatlar aytib, ijodkor-shoira qizimizga o’zimning Tashakkurimni bildirmoqchiman. Jurnalist Usmon Navro’z Respublika “Adolat ko’zgusi” gazetasi muxbiri 97.772-77-35 Jondor tumani Darvishi MFY Darvishi qishlog’i
