Buxoro davlat universiteti Filologiya fakultetining yangi o`quv binosida 2019-yil 17-sentabr kuni Qozog`iston Respublikasidan jurnalist Amoniy Nasimjon hamda o`zbekistonlik taniqli tojikzabon bolalar shoiri Asad Gulzoda bilan uchrashuv bo`lib o`tdi. Fakultet ma’muriyati xalqaro ilmiy-adabiy hamkorlik sohasidagi faoliyat doirasini kengaytirish maqsadida tojikistonlik ilm-ma’rifat fidoyilari bilan fikr almashib, bajarilishi kutilayotgan ishlar borasida kelishib olindi. O`zbekiston Respublikasi Prezidenti Shavkat Mirziyoyevning 5 muhim tashabbusi doirasida 1-6TOJ-19 guruh talabalari bilan uchrashuv va “She’rxonlik” kechasi tashkil etildi.Ma’naviy-ma’rifiy tadbirda Filologiya fakulteti dekani fil. fan. dok., dots. D.Z.Rajabov, “O`zbek adabiyoti” kafedrasi mudiri fil. fan. dok., prof. Sh.N.Ahmedova, “O`zbek tilshunosligi” kafedrasi mudiri fil. fan. nom., dots. A.R.Ahmedov, mazkur kafedra professori fil. fan. nomz. T.R.Choriyev hamda 27 nafar 1-6TOJ-19 guruh talabalari ishtirok etishdi. Adabiy kechada kitobsevar talabalar shoir Asad Gulzoda ijodidan she’rlar o`qidi.\
