Buxoro davlat universiteti Jismoniy madaniyat fakulteti, “Fakultetlararo jismoniy madaniyat va sport” kafedrasi professor-o‘qituvchilari F.S. Fazliddinov, M.A. Fatullaeva, R.R. Raxmonov, N.M. Gafurov va iqtidorli 4-bosqich sportchi - talabalari Rashidova Matlyuba Husen qizi, (badiiy gimnastika turi bo‘yicha respublika g‘olibi, Osiyo birinchiligi o‘yinlarida 5-o‘rin sohibasi), Saidova Sarvinoz Iskandar qizi, (turon yakka kurashi bo‘yicha respublika g‘olibi (2017 y,) Ten Anna Farhodovna (badiiy gimnastika bo‘yicha 7 karra respublika g‘olibi, O‘siyo o‘yinlari ishtirokchisi) Buxoro viloyati Buxoro shahri 32-son umumta'lim maktabi o‘qituvchilari hamda o‘quvchi yoshlari bilan O‘zbekiston Respublikasi Prezidenti tomonidan ilgari surilgan 5 ta muhim tashabbusning biri- yoshlarni jismoniy chiniqtirish va sport sohasida o‘z qobiliyatini namoyon qilishlari uchun zarur sharoitlar yaratib berish masalalari yuzasidan “Sport–sog‘lik garovi” mavzusida davra suhbati tashkil qilib o‘tkazildi.So‘zga chiqqan professor-o‘qituvchilar O‘zbekiston Respublikasi Prezidenti Sh.M. Mirziyoyev va Vazirlar Mahkamasi tomonidan O‘zbekistonda “Jismoniy tarbiya va sportni rivojlantirish borasida” qabul qilingan Qaror va Farmonlarning mazmun-mohiyati, Prezidentimiz tomonlaridan sportchi yoshlarga berilayotgan e'tibor, yurtimizda o‘sib kelayotgan yoshlarning ma'nan va jismonan sog‘lom bo‘lib voyaga yetishishlari borasida keng ko‘lamda olib borilayotgan ishlar va Buxoro davlat universitetidagi ta'lim yo‘nalishlari hamda iqtidorli sportchi-talabalarimiz, ularning qo‘lga kiritgan yutuqlari borasida so‘z yuritdilar. Sportchi-talabalarimiz esa sportga qo‘ygan ilk qadamlari, ota-onalarining ularga bo‘lgan munosabatlari, erishgan yutuqlari, mag‘lubiyat va g‘alabalarning nashidasi, universitetda ularga yaratilgan shart-sharoitlar, eng muhimi sport–ularning hayotida qanday rol' o‘ynashini o‘quvchi –yoshlarga so‘zlab berdilar. O‘quvchi-yoshlar tomonidan ularni qiziqtiradigan savollarga tadbir ishtirokchilari javob berdilar.
