2019-yilning 25-sentabr kuni Buxoro davlat universitetiga Birlashgan Arab Amirliklari Milliy arxivi direktori Majid Sulton al Mxeiri boshchiligidagi Birlashgan Arab amirliklari delegatsiyasi tashrif buyurdi. Mehmonlarni Buxoro davlat universiteti rektori O.X. Xamidov kutib oldi. Birlashgan Arab Amirliklari Milliy direktori Majid Sulton al Mxeiri Buxoro davlat universiteti Axborot-resurs markaziga tashrif buyurib, u yerda nodir qo'lyozma asarlari bilan tanishdi.Nodir qo'lyozmalar to'g'risida batafsil ma'lumotlarni Buxoro davlat universiteti tuzilmasidagi Qatag'on qurbonlari xotirasi muzeyi direktori Azalshoh Hamroyev aytib o'tdi. Mehmonlar kelgusida Buxoro davlat universiteti bilan hamkorlikda ishlashini aytib o'tdi. Shuningdek, mehmonlar Bahouddin Naqshband ziyoratgohiga tashrif buyurishdi.
