Kitob - bilim manbai, ilm shamchirog'i, ma'naviyat sarchashmasidir. Kitobni quyoshga o'xshatish o'rinlidir. Quyosh insonning jisman ulg'ayishi uchun qanchalik muhim o'rin tutsa, kitob ma'nan barkamollik uchun ham shunday ahamiyatga ega. Bugun Buxoro davlat universiteti faollar zalida Prezidentimiz ilgari surgan 5 tashabbus ijrosini ta'minlash maqsadida kitobxonlik tadbiri bo'lib o'tdi. "Maktabgacha va boshlang'ich ta'lim" fakulteti boshlang'ich ta'lim yo'nalishi 1-kurs talabalari tomonidan tashkil etilgan tadbirda yoshlar o'rtasida kitobxonlikni keng targ'ib qilishga ahamiyat qaratildi. Musobaqa tarzida o'tgan tadbirda talabalar o'zlari o'qigan kitoblari haqida ma'lumot berishdi, tengdoshlarini ham kitob olamiga sayohat qilishga chorlab qolishdi. Fakultet ustozlari Tavakkal Choriyev, Surayyo Akramova, Ulug'murod Amonovlar tadbirda "Eng faol bilimdon kitobxon" ni aniqlashdi.Tadbir yakunida talabalar "Eng yaxshi kitobxon", "Eng yaxshi sahna asari", "Eng yaxshi ifodali o'qish bilimdoni", "Eng yaxshi xalq og'zaki ijodi bilimdoni" nominatsiyalari bilan taqdirlandi va ularga kitoblar jamlanmasi sovg'a qilindi.Kitobim - munisim, dilbandim erur,Aning har bayti bir farzandim erur... Buxoro davlat universiteti talabasi Zilola Po'lotova.
