2019-yilning 5-sentabr kuni Buxoro viloyat prokurorining 2-sektor shtabi Kitobxon shaharchasida Buxoro davlat universiteti hamda Buxoro davlat tibbiyot instituti professor-o'qituvchilari hamda faol talabalari ishtirokida "Adabiyotga e'tibor - ma'naviyatga, kelajakkar e'tibor" nomli ijodiy uchrashuv bo'lib o'tdi. Tadbirni Buxoro davlat universiteti Yoshlar bilan ishlash prorektori O.M. Kadirov kirish so'zi bilan boshlab berdilar. Uchrashuvda O'zbekiston yozuvchilar uyushmasi a'zosi T. Ahmad ishtirok etib talabalarga o'zlarining she'rlarini o'qib berdilar. Tadbirni o‘tkazishdan maqsad kitobxonlikni keng targ‘ib etish, talabalarda kitobni mutolaa qilishga bo‘lgan qiziqishini yanada oshirish va rag‘batlantirishdir. Shiddat bilan taraqqiylashib borayotgan tamaddun asrida yashayapmiz. Inson ongi va tafakkuriga tez ta’sir eta oladigan g‘oyalar, fikrlar shu qadar ko‘pki, ularni hazm qilish oson bo‘lmaydi. Saragini sarak, puchagini puchak deydigan eng muruvvatli ustoz bu Yaxshi kitobdir.Shu ma’noda kitobxonlik madaniyatini yanada yuksaltirish, bu boradagi ko‘nikmalarni yanada kamol toptirish, “Oilaviy kitobxonlik”, “Bir farzandga bir kitob” kabi ezgu tushunchalarni keng targ‘ib qilish jamiyat taraqqiyotini belgilovchi muhim omillardan biridir. Kitob shunchaki ermak emas, undan zerikishda qo‘l keladigan bir vosita sifatida foydalanish xatodir. Kitob tafakkur va qalb ehtiyojini qondiruvchi omil sifatida inson ruhini tarbiyalaydi, uning shaxsi shakllanishida asosiy turtki beruvchi ekanligini ta’kidlab so‘z O‘zbek adabiyoti kafedrasi mudiri Sh. Axmedovaga berildi. Kitob o‘qishdan maqsad uning mazmunini anglab yetish, unga singdirilgan ma’no-mazmunni qalban tuyish va bu orqali ma’nan ozuqaga ega bo‘lishdir. Kitob mutolaasi insonda ma’naviy bo‘shliq paydo bo‘lishiga zinhor va zinhor yo‘l qo‘ymaydi. Shunday ekan kitobni mutolaa qiluvchi har qanday inson yuksak ma’naviyatli shaxs bo‘lib etishadi. Shunday ekan, aziz talabalar kitob o‘qing. Zero kitob insonning hayot yo‘lida yo‘ldosh bo‘lishi, hayot so‘qmoqlaridan ravon va mamnuniyat bilan o‘tadi. Tadbirni BuxTI talabalari davom ettirib, o‘zlari tayyorlab kelgan she’rlardan aytishdi. BuxDU va BuxTI talabalari o‘rtasida bahru-bayt o‘tkazildi. Tadbir so‘ngida faol ishtirok etgan talabalar kitobxon shaharchaning mas`ul xodimlari tomonidan qimmatbaho sovg‘alar bilan taqdirlanishdi.Buxoro davlat universiteti Matbuot kotibi Otabek Jalolov
