Yoshlarning ijtimoiy faolligini oshirish, navqiron avlodni har tomonlama barkamol insonlar etib tarbiyalash, vatanparvar va milliy qadriyatlarimizga hurmat ruhida ulg‘aytirish borasida O‘zbekiston yoshlar ittifoqi zimmasiga katta vazifalar yuklatilgan. Bunda ushbu tuzilmaning quyi tizimlari, jumladan, oliy o‘quv yurtlaridagi boshlang‘ich tashkilot yetakchilaridan katta mas’uliyat talab etiladi.Prezidentimizning 2017 yil 5-iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmoni va 18-iyuldagi “Yoshlar ittifoqi faoliyatini takomillashtirishga oid kompleks chora-tadbirlar to‘g‘risida”gi qaroriga muvofiq, oliy ta’lim muassasalarida yoshlar manfaatlarining haqiqiy himoyachisi bo‘lishga erishish, ta’lim sifatini yuksaltirishga doir jarayonni o‘rganish hamda muassasada jamoatchilik nazoratini o‘rnatishga alohida e’tibor qaratilmoqda.O‘zbekiston Repsublikasi Oliy va o‘rta maxsus ta‘lim vazirligi(2018 yil 20 avgustdagi 87-01-600-son) hamda O‘zbekiston yoshlar ittifoqi(2018 yilning 26 avgustdagi 04-13/4415-sonli)ning qo‘shma xatiga asosan O‘zbekiston yoshlar ittifoqi boshlang‘ich tashkilotining guruh, fakultet va universitet yetakchisi saylovi yuqori saviyada tashkil etilmoqda.Shu asosda joriy yilning 21 sentabr kuni universitet yetakchisi saylovi to‘g‘ridan-to‘g‘ri ovoz berish yo‘li bilan saylandi. – Yetakchi saylovi talabalar va yosh professor-o‘qituvchilar uchun o‘ziga xos kichik demokratiya maktabi vazifasini o‘tashi shubhasiz, – deydi universitetning ma’naviyat va ma’rifat ishlari bo‘yicha prorektori O.Qodirov. – Tadbirga puxta tayyorgarlik ko‘rildi. Fakultetlarda yetakchilik lavozimiga ko‘rsatilgan nomzodlarning dasturi tanishtirildi. Bu ularga o‘zlari munosib, deb bilgan yetakchini tanlash imkonini berdi.Saylovda ishtirok etgan talabalar va yosh xodimlarning 59 foiz ovozini olgan universitetning 2 kurs magistranti F.Nurullayev yoshlar ittifoqi boshlang‘ich tashkilotining rahbari etib saylandi.
