XalqimgaBu gulshan ta’rifin samolar aytsin,Sahar tong chog’ida bo’lganda maftun.Ming bir hayrat bilan dunyolar aytsin,Madhin so’zlay-so’zlay yetolmas yakun.Dunyolar,samolar izlaydi tasbeh,Jamoling yoritgan mehring nuricha.Tengsizlikka tengdosh ey buyuk xalqim,Senga sevgim cheksiz qalbim to’rida.Ko’ksimda orzular uchadi javlon,Har tong shod qarshilar yorqin kelajak.Bag’ringda yashash baxt umidli har on,Ertamiz bundanda porloq bo’lajak.Butun olam senga topolmas qiyos,Yozmoqqa yo’l bo’lsin menday qizingga.Bu she’rim mehrimning zarrasi xolos,Kulmang soddagina aytgan so’zimga.Dunyolar tasanno aytgan buyuk el,Oftob ham mahliyo bo’lgan diyor bu.Ta’rifiga tashbeh istaydi ko’ngil,Ketmas bo’lib kelgan baxt bu,bahor bu.Diyorim madhini kuylamoqlik baxt,Yaxshiyamki she’rga,qalamga yorman.Qoshlari qaro qiz Shamshoda bo’lib,Shoira qizlaring safida borman. Muhammadi ketdi o’zbekningFalak uzra yozdi-yu qanot,Bag’rini tark etdi o’zbekning.Zamin yig’la,yig’la koinot,Muhammadi ketdi o’zbekning.Mangulikka bitib nomini,Yuraklarga ko’mib jonini.Qon yig’latib Andijonini,Muhammadi ketdi o’zbekning.Yig’lar shoir qizg’aldoqlari,Kapalaklar, yalpizlar bari.Erta so’ngan quyosh singari,Muhammadi ketdi o’zbekning.O’zbegimning quvonchu dardi,Quchog’ida o’sgan dilbandi.Jondan aziz shoir farzandi,Muhammadi ketdi o’zbekning.Samolarni yig’latgan sado,Ko’ngillarni ezar bir nido.Mashhargacha endi alvido,Muhammadi ketdi o’zbekning.Bir lahza yo’q unitilgani,Alp o’g’loni o’tdi o’zbekning.Jannatda ham shoir bo’lgani,Muhammadi ketdi o’zbekning.Xorijdagi tengdoshimTaraqqiyot sur’ati,Shiddat bilan o’smoqda.Tafakkurning qudrati,Dunyo bo’ylab kezmoqda.Taqdiridan baxtiyor,Bilimda ekan tengsiz.Men bilan tengdosh ekan,Amerikalik bir qiz.Mukammal bilmasamda,Ingliz tilini juda.Vujudim to’lqinlanar,Uning har suhbatida.Internetda tanishgan,Olis raqobatdoshim.O’t qalading ko’ksimga,Xorijdagi tengdoshim. Buyuk orzular ortar,Ko’nglimda lahza sayin.Amerikalik do’stim,Sendan o’zib ketayin.G’ururlanib so’zlaysan,Yurting istiqbolini.Ko’z-ko’z etib baxtingu,Ertangning iqbolini.Deysan jannatga egiz,Beqiyos mening yurtim.Ko’rmagansan-da esiz,Chin jannatni ey do’stim.Jannat ko’rki bo’lolmas,Yurtim bir niholicha.Senga tushintirolmam,Bu hisni o’z holicha.Mehrim ortar kun sayin,Orzularim bo’y cho’zar.Kel yaxshisi do’stona,Kurashamiz kim o’zar.Bo’lar aqliy raqobat,O’rtada yurt sha’ni bor.Biri sening vataning,Biri men sevgan diyor.Menda ham bisyor barcha,Senda bor imkoniyat.Jo’shqinlik va iste’dod,Ato etgan tabiat.Nasib etsa jahonga,G’olib boqib turgayman.Sen bilan teng kurashib,Sen bilan teng yurgayman.Bu kurash bir kun yoki,Bir yilda ham bo’lmaydi.Kelajakka nur sochib,Kamolotga undaydi.Kim yutishi muhimmas,Maqsad g’olib qadamlar.Umrimiz varaqlarin,Bezasin go’zal damlar.Sen yurtingni sev dildan,She’rga sol hur madhini.Men yashayman har lahza,His qilib yurt baxtini.Vatanlarimiz ayro,Dildagi his mushtarak.Ikki tanda bir ma’no,Yurt deb uradi yurak.Sherlarimiz yaralgan,Yoshlikning sururidan,Ikkitilda bo’lsa ham,Bir hissiyot nuridan.Olislarda bo’lsang-da,Ko’nglimga yaqinimsan.Osmonimda porlagan,Shu’lamsan,yolqinimsan.O’rin olding qalbimu,Daftarim bir betida.Xayolingla yasharman,Dunyoning bir chetida.Seni chorlaydi ko’ngil,Dilga yaqin sirdoshim.O’zbekistonimga kel,Xorijdagi tengdoshim. Hamdamova Shamshoda Saidahmad qizi -Filologiya fakulteti Tillarni o‘qitish O‘zbek tili yo‘nalishi 3-bosqich talabasi
