Joriy yilning 28 may kuni Buxoro davlat universiteti Tabiiy fanlar fakulьteti talabalari o‘rtasida “Siz huquqni bilasizmi?” bellashuvi bo‘lib o‘tdi. Bellashuvda Kimyo ta‘lim yo‘nalishining 2-1KIM-17 guruh talabalarining “Adolat” guruhi va 2-2KIM-17 guruh talabalarining “Qalqon” guruhi o‘zaro bellashdi. Bellashuv 4 ta shart asosida o‘tkazildi. 1-shart. Tanishtiruv - Ishtirokchilar o‘zi to‘g‘risida, ixtisosligidan kelib chiqqan holda ijodiy va ilmiy izlanishlari haqida ma‘lumot beradi. Ishtirokchilarning kiyinish madaniyati, nutq madaniyati va ijodkorligi inobatga olindi. 2-shart. Savol-javob Bu shartda ikkala guruh ishtirokchilari bir-biriga O‘zbekiston Respublikasi Konstitutsiyasiga oid savollar berildi (15 ta savol). Ushbu shartga 15 daqiqa vaqt berildi va 15 ballik tizimda har bir hakam tomonidan baholandi. 3-shart Bu shartda ishtirokchilar o‘zlarining “Odam savdosi”, “O‘z huquqini bilmagan va adashganlar” mavzusidagi badiiy sahnalar orqali chiqishlar qilishdi. Ushbu shartga 15 daqiqa vaqt berildi va 15 ballik tizimda har bir hakam tomonidan baholandi. 4-shart. Sardorlar bellashuvi. Bu shartda guruh sardorlarining huquqiy bilimlari sinovdan o‘tkazildi. Ushbu shartga 10 daqiqa vaqt berildi va 10 ballik tizimda har bir hakam tomonidan baholandi. Hakamlarning oxirgi baholash natijalari ko‘ra 2-2KIM-17 talabalarining “Qalqon” jamoasi 1 o‘rinni egalladi. Bellashuvning g‘olib guruhi Kimyo kafedrasi dotsenti Q.A.Ravshanov va dekan muovini E.D.Niyozovlar tomonidan esdalik sovg‘alari bilan taqdirlandi.
