O’zbekiston Respublikasi Prezidentining 2019 yil 13 fevraldagi “2019-2025 yillarda O’zbekiston Respublikasi aholisining ruhiy salomatligini muxofaza qilish xizmatini rivojlantirish kontsepciyasini tasdiqlash to’g’risida” gi PQ- 4190 – sonli qaror ijrosini va O’zbekiston Respublikasi narkotik moddalar ustidan nazorat qilish bo’yicha davlat komissiyasining 2019 yil 30 martdagi 04-333 sonli xatining ijrosini ta’minlash maqsadida 2019 yil 9 aprel kuni Buxoro davlat universiteti xorij tillari fakultetida viloyat narkologiya dispanseri, BuxDU psixologi va BuxDU “Ibn Sino salomatlik maskani”ma’rifat markazi bilan hamkorlikda “Kashandalikning Ruhiyatga ta’siri” mavzuida davra suhbati o’tkazildi.Davra suhbatida xorij tillar fakulteti filologiya va tillarni o’qitish (nemis tili) birinchi kurs talabalari va guruh murabbiylari D.H. Karimova, G.B. Hayitovalar ishtirok etdi. Viloyat narkologiya dispanseri mutaxasisi A.Fayziyev talabalarga giyohvandlikning nechog’lik fojia ekanligini to’la anglashi, mamlakatimizning har bir fuqarosi o’z sog’lig’iga masuliyatni oshirishi, uni saqlashi, mustahkamlashga ongli munosabatda bo’lishi, sog’lom turmush tarzi talablariga rioya qilishni ta’minlashga etarli e’tibor qaratishi lozimligini ta’kidladi. Davra suhbatlari fakulьtetning boshqa ta’lim yo’nalishlarida ham o’tkazilishi rejalashtirilgan.
