2017 yil 14 noyabrь kuni Buxoro davlat universiteti va Buxoro yuridik va maishiy xizmat kasb-hunar kolleji hamkorligi doirasida Buxoro yuridik va maishiy xizmat kasb-hunar kollejida “English as a global language” nomli ma‘naviy-ma‘rifiy tadbir o‘tkazildi. Tadbirda Buxoro davlat universiteti filologiya fakulьteti ingliz tili va adabiyoti kafedrasi o‘qituvchisi F.M.Xajiyeva murabbiyligi ostida ingliz tili va adabiyoti ta‘lim yo‘nalishi 6,6-chi-17 va 6,7- chi-17 guruhlari talabalari ingliz tilining ahamiyati va dolzarbligi, jahon andozalariga mos keladigan yoshlarni tarbiyalashdagi vazifasini aks eta oladigan turli sahna ko‘rinishlari namoyish etishdi. Shuningdek, Buxoro yuridik va maishiy xizmat kasb-hunar kolleji talabalari tomonidan tayyorlangan V.Shekspir qalamiga mansub sonetlar ijro etildi. Tadbir davomida “English as a global language” mavzusida BuxDU filologiya fakulьteti va Yuridik va maishiy xizmat kasb-hunar kolleji talabalari tomonidan tayyorlagangan ingliz tilining ahamiyatini mujassam eta olgan, ramziy posterlar namoyish bo‘lib o‘tdi. Ko‘rgazmada eng mazmunli posterlar mualliflari faxriy yorliqlar bilan mukofotlandilar. Tadbir yakunida Buxoro yuridik va maishiy xizmat kasb-hunar kolleji Tillar kafedrasi mudiri N.M.Ashurova universitet talabalariga minnatdorchilik bildirdi va hamkorlik natijasidagi bu kabi uchrashuvlar kollej yoshlarining ingliz tiliga bo‘lgan qiziqishini orttirishiga omil bo‘lishini ta‘kidladi.
