2018-yil 5-mart kuni Fizika-matematika fakulteti ”Matematika” ta’lim yo’nalishi talabalarining ota-onalari bilan uchrashuvlar tashkil qilindi. Uchrashuvdan so’ng Buxoro Davlat Universiteti faollar zalida matematika ta’lim yo’nalishi talabalari ishtirokida ”Sen muqaddassan, muqaddas ayol” mavzusida bayram tadbiri o’tkazildi. Tadbirda talabalarning ota-onalari ishtirok etishdi va o’z farzandlarining chiqishlarini tomosha qilishdi.Tadbirni unversitet rektori A.A.To’laganov ochib berib, barchani ”8 mart-Xalqaro xotin-qizlar kuni” va yaqinlashib kelayotgan yangilanish va yasharish bayrami ”Navro’zi-olam” bilan chin qalbdan tabrikladi. Yig’ilganlarga bugungi kunda olib borilayotgan yoshlarga oid davlat dasturining mohiyati, yoshlar uchun yaratilgan imkoniyatlar haqida gapirdi. Shu jumladan, Universitetimizda malakali raqobatbardosh kadrlar tayyorlash bo’yicha olib borilayotgan ishlar bilan ota-onalarni tanishtirdi. Universitet rektori faol talabalarning ota-onalarini ”Tashshakkurnoma” bilan taqdirladi.Tadbirda talabalar ishtirokida ijro etilgan quvnoq raqslar, kuy-qo’shiqlar va sahna ko’rinishlari yig’ilganlarga xush kayfiyat bag’ishladi. Ota-onalar ularga tadbir xush kayfiyat ulashganini ta’kidlab, tashkilotchilarga o’z minnatdorchiligini bildirdi.
