Joriy yilning 30 yanvar kuni Tarix fakultetida O’zbekiston Respublikasining Birinchi Prezidenti, buyuk davlat va siyosat arbobi Islom Abdug’anievich Karimov tavalludining 80 yilligi munosabati bilan “Ozod va Obod Vatanga baxshida umr” mavzusida ma’naviy-ma’rifiy tadbir bo’lib o’tdi. Islom Karimov rahnamoligida O’zbekistonda yangi jamiyat taraqqiyotining nazariy va uslubiy asosiga aylangan, yaxlit siyosiy, g’oyaviy va uslubiy ta’limot ishlab chiqilganligiga, xalqimizning ma’naviy qadriyatlariga hurmat bilan munosabatda bo’lish, ularni asrab avaylash va kelgusi avlodlarga bezavol yetkazish davlat siyosati darajasiga ko’tarilganiga, muqaddas Islom dini, milliy urf-odat va an’analarimiz, bebaho tarixiy meroslarimizning tiklanishi va rivojlanishi uchun barcha shart-sharoitlar yaratilganiga, yurtimizda umuminsoniy hamda milliy an’ana va qadriyatlarga asoslangan milliy mafkuraning asoslari shakllantirilib, u jamiyatning barcha qatlamlari tomonidan qo’llab-quvvatlanayotganiga alohida e’tibor qaratildi.Islom Karimov, o’zining siyosiy qarashlariga amal qilgan holda, ijtimoiy taraqqiyotning ibtidoiy shakli bo’lmish inqilobiy o’zgarishlarni inkor etadigan, butun dunyo “O’zbek modeli” deb e’tirof etgan iqtisodiy rivojlanishning yangi modelini ishlab chiqanini va uni hayotga tadbiq etgani, O’zbekiston Respublikasining mustaqilligi va hududiy yaxlitligini, sarhadlarimiz daxlsizligini, bunyodkorlik faoliyati bilan band xalqimizning tinch va osoyishta hayotini himoya qilishga qodir qurolli kuchlar, chegara va ichki qo’shinlarni zamonaviy asosda isloh qilish dasturini muvaffaqqiyatli amalga oshirgani, Zamonaviy fikrlaydigan, intelektual rivojlangan, yuksak professional tayyorgarlikka ega, mamlakatimiz va xalqimiz manfaatlariga sadoqatli yosh avlodni tarbiyalash maqsadida ishlab chiqilgan, mohiyati va shakliga ko’ra noyob bo’lgan, jahon miqyosida keng e’tirof etilgan kadrlar tayyorlash milliy dasturi hayotga samarali joriy qilinganini ta’kidlab o’tdi..Tadbirda Milliy g’oya, ma’naviyat asoslari va huquq ta’limi kafedrasi mudiri S.S.Raupov, Tarix fakulteti ma’naviy-ma’rifiy ishlar bo’yicha dekan muovini A.Boltayev, Milliy g’oya, ma’naviyat asoslari va huquq ta’limi kafedrasi dotsenti N.N.Teshayev, katta o’qituvchisi U.B.Sobirov, L.A.Hayitov va A.Gulomovalar ishtirok etdi.
