2017 yil 2 may kuni Buxoro davlat universiteti Ma’naviyat va ma’rifat bo’limi, Filologiya fakulteti “Fakultetlararo chet tillar” kafedrasi o’qituvchilari va Fizika-matematika fakulteti talabalari ishtirokida 2017 yil –“Xalq bilan muloqot va inson manfaatlari yili” munosabati bilan “Inson manfaatlari – oliy fazilat” mavzusida tadbir o’tkazildi. Talabalarning ijodiylik mahorati, chet tiliga, shu qatorda barcha fanlarga bo’lgan munosabati va hurmati sahna ko’rinishlari orqali ko’rsatib o’tildi.Talabalar chet davlatlarning urf-odatlari, an’analarini hamda talabalar va universitet hayotidagi voqealarni bir nechta davlatlarning tillarida ijro etishga harakat qilishdi. G’olib jamoalar diplomlar bilan taqdirlandi. Tadbir yuqori ko’tarinki ruhda bo’lib o’tdi. Tanlovni tashkillashtirishda “Fakultetlararo chet tillar” kafedrasi o’qituvchilari D.Sh.Sharipova, Z.A.Abulova, N.M.Ochilova, O’.H.Mavlonova va Z.Ashurovalar faollik ko’rsatishdi.
