O‘zbekiston Respublikasi o‘z davlat mustaqilligini qo‘lga kiritgan buyuk tarixiy sana 1991 yil 1sentyabrdan bir oz o‘tgach 1992 yil 8 dekabrdan boshlab xalqimizning ijtimoiy-siyosiy, ma‘naviy hayotida beqiyos o‘rin egallagan, har yili eng ulug‘, eng aziz bayram sifatida katta shodu-xurramlik bilan nishonlanib kelinayotgan Konstitutsiya kuni bu yil 25 yilligini nishonlamoqdamiz.Shu munosabat bilan 2017 yil 28 noyabrь kuni talabalar turar joyida Fizika-matematika fakulьteti fizika kafedrasi professor-o‘qituvchilari va talabalar ishtirokida ”Fidoying bo‘lgaymiz seni, O‘zbekiston!” mavzusida tadbir o‘tkazildi. Konstitutsiyamizning asosiy printsiplaridan biri Vatanparvarlik va fuqarolikka sadoqat: vatanni sevish va e‘zozlash; hozirgi va kelajak avlodlar oldida mas‘uliyatni his qilish; o‘zbek davlatchiligi rivojining tarixiiy tajribasiga tayanish; ajdodlarning madaniy merosini avaylab asrashdan iboratdir. Shu sabab odam farzandi uchun vatan bamisoli onaday, bamisoli otaday, bu yopyg‘ olamda bitta, yagona. Vatan borki, biz bormiz. Ona bor mehrini farzandiga ataganiday, Vatan boshida kulgan quyosh kabi bizni o‘z harorati og‘ushida erkalaydi. Uning bag‘rida kulgan bahor-bizning bahorimiz, Vatan erishgan zafar-bizning ko‘chamizda bayramlarni boshlaydi. Uning olamda qozongan obro‘-e‘tibori, mavqeidan har birimizning chehramizda nur, ko‘zimizda chaqmoq. U bor ekan, boshimiz tog‘larday sarbaland, qaddimiz qoyalarday tik. Ona-O‘zbekistonimiz biz uchun shunday tengsiz, yagona, e‘zozli ma‘vo, tanho Vatan, bebaho qadriyat. Shu maqsaddan kelib chiqib tadbir ishtirokchilari Konstitutsiyamizni jamiyatimiz taraqqiyotidagi o‘rni haqida gapirarkanlar Vatan tushunchasiga alohida to‘xtalib o‘tdilar. Fizika kafedrasi professor-o‘qituvchilari B.E.Niyazxonova, M.N.Narzullayev, E.S.Nazarov, B.B.Qobilov, L.I.Ochilovlar o‘z ma‘ruzalarida “... ozod va obod vatanda pok odamlar yashashi kishilik jamiyatining azaliy orzusi, aql va idrokning, qalbning eng totli, mo‘‘jizaviy tantanasi ekanligi, bu tantana yuz bersa, shaksiz, vatanga oliy maqom va benazir xoslik bag‘ishlashi, uni yer yuzidagi mayoqga aylantiradi. Shuning uchun ham yurtboshimiz bizdan ana shu yo‘ldan yurishimizni, sobit va qatьiy qadam tashlashimizni istashini takidlashdi. Bu yo‘l baxtli istiqbol, komil insonlar qo‘nim topadigan, hech kimdan kam qilmaydigan, Vatanimiz mazmunini yuksaltiradigan fikratdir”– deb Vatanni ulug‘ladilar. Mamlakatimiz Kostitutsiyasi yaratib bergan imkoniyat tufayli davlatimizda ilm olayotgan talabalar nomidan so‘zga chiqqan 1-kurs fizika ta‘lim yo‘nalishi talabasi Mo‘minova Dursunxon o‘zbek va turkman xalqlari orasidagi do‘stlik uzoq tarixga egaligi, bugungi bu do‘stlikni yanada rivojlanishida ikki davlat prezidentlari Gurbanguli Berdimuhammedov va Shavkat Mirziyoyevlarning xizmatlari beqiyosligi to‘g‘risida gapirsa, U.Davlatova, U.Raximova, D.Saidova, O.Sharipova kabi talabalar esa o‘z qalblaridagi Vatanga bo‘lgan muhabbatlarini o‘z she‘r va qo‘shiqlarida bayon qildilar.Haqiqatan, insondagi eng oliy tuyg‘u Vatan tuyg‘usidir. O‘zi tug‘ilib o‘sgan ona yurtini jon qadar sevadigan, o‘zga yurt tabiatidan o‘z yurti tabiatichalik zavq ololmaydigan, diyoridagi katta-kichik yutuqlardan faxrlanadigan, butun aql-zakovati, qalb qo‘ri, kuch va imkoniyatini shu zamin go‘zalligi, rivojiga baxshida etolgan insondagina bu tuyg‘u namoyon bo‘ladi. Shu tadbir bahona yoshlarimiz qalbida Vatan tuyg‘usi yana bir bor mustahkamlandi va unga bo‘lgan muxabbatni orttirildi-desak xato qilmasak kerak.
