2017 yil 8 iyun Buxoro davlat universiteti Fizika-matematika fakultetida nasrda Muhammad Azim taxallusi bilan qalam tebratib kelayotgan ijodkor, Matematika kafedrasi o'qituvchisi Qalandarov Azimjon Durdiboyevich bilan 1-1MAT-16, 1-2MAT-16, 1-2MAT-16 guruh talabalari ishtirokida “Kitob - ko'ngillar ziyosi” mavzusida ma'rifiy davra suhbati o'tkazildi.Tadbirda Qalandarov Azimjon Durdiboyevich haqida qisqacha ma'lumot berilib, muallifning badiiy, falsafiy, pedagogik kitoblari, ilmiy-tadqiqot va tarjimonlik borasidagi olib borayotgan ishlari to'g'risida to'xtalib o'tildi. Uning hikoyalari davriy nashrlarda e'lon qilinib, o'z muxlislarini topayotganligini ta'kidlab o'tishdi.A.D.Qalandarov talabalar bilan suhbatlashar ekan, dastlab Maxtumqulini o'zbek tiliga o'girish jarayoni haqida batafsil ma'lumot berdi. Kitobga mehr paydo bo'lishi, kitob bilan do'stlashish kerakligi haqida aytib, o'zi sevib o'qiydigan kitoblar haqida talabalar bilan munozaralar olib bordi. Talabalarni ilmga chanqoq bo'lishga undadi. Shundan so'ng, “Diyor” va “Buxoro” telekanallarida A.D.Qalandarov ishtirokida olingan “She'riyat gulshani” ko'rsatuvidan parcha ko'rsatildi.Tadbir davomida talabalar o'zlarini qiziqtirgan savollar bilan A.D.Qalandarovga murojaat qilib, ularga ijobiy javob oldilar. Tadbir bahs va munozaralarga boy tarzda o'tdi.
