2017 yil 7 dekabr kuni Filologiya fakulьteti Ingliz tili va adabiyoti yo‘nalishi 6-1chi-17, 6-2chi-17, 6-6chi-17, 6-7chi-17 guruhlari talabalari bilan “Yoshlar orasidagi Huquqbuzarlikning oldini olish” mavzusidagi keng qamrovdagi profilaktik tadbir o‘tkazildi.Tadbirga Buxoro viloyati IIBdan bir guruh vakillar tashrif buyurdilar. Buxoro viloyat IIB Transportda jamoat xavfsizligi ta‘minoti bo‘limi Olot bekatida JXTB katta boshlig‘i mayor R.I.Husenov va huquqbuzarlikning oldini olish bo‘limi katta leytenanti L.M.Rajabovning “Yoshlar o‘rtasidagi huquqbuzarliklar va huquqbuzarlikning oldini olish” mavzusidagi ma‘ruzasi, Jinoyat qidiruv guruhi katta tezkor vakili kapitan Yo.R.Bobojonovning “Odam savdosi, chet ellarda noqonuniy ishlashning salbiy oqibatlari va uning oldini olish” mavzusidagi ma‘ruzasi, Buxoro viloyat IIB Yong‘in xavfsizligi bo‘limi katta mutaxassisi mayor S.Sh.Isoyevning “Yong‘in xavfsizligiga rioya qilish qoidalari” mavzusidagi ma‘ruzasi, Buxoro shahar IIB profilaktika inspektori katta leytenant B.Sh.Samatovning “Poraxo‘rlik va ta‘magirlikka qarshi kurash” mavzusidagi ma‘ruzasi tinglandi. Tadbir davomida huquqbuzarlik profilaktikasi mavzusiga oid videofilm ham namoyish etildi. Videofilьm talaba yoshlarga juda katta taassurot qoldirdi. Tadbir davomida talabalar mehmonlarga turli savollar bilan murojaat qildilar va o‘zlariga tegishli bo‘lgan javoblarni oldilar. Muhokamada talabalar juda faol qatnashdi. Mehmonlar har qanday vaziyatda ogoh bo‘lish kerakligini qayta-qayta takrorladilar. Tadbirni tashkillashtirishda Ingliz tili va adabiyoti kafedrasi o‘qituvchilari F.M.Xajiyeva va A.A.Fayziyevalar faollik ko‘rsatishdi.
