Buxoro davlat universiteti Pedagogika fakultetining Psixologiya ta’lim yo’nalishi 2-kurs talabalari ishtirokida kafedra o’qituvchisi M.Bafayev g’oyasi, tashabbusi bilan katta o’qituvchilar O.Avezov va L.Olimovlar uslubiy yordami asosida fakultet binosining 2-qavati 210-auditoriyasida “BILIMLAR BELLASHUVI” o’tkazildi. Bellashuv 5 ta shart asosida olib borildi: 1. “Zukko kitobxon” sharti. Darslik va o’quv adabiyotidan savollar.2. Taniqli psixolog-olimlar hayotidan. 3. Psixologik metodikalar bilimdoni.4. Chet tilida mening soham. Psixologik materiallar tarjimasi. 5. Krossvord va skanvordlar tanlovi. Guruh 2 ga bo’linib, joylashtirildi va guruh sardorlari tanlanib oldindan tayyorgarlik ko’rilgan holda guruhlar bir-birlarini tanishtirishdi. 1-guruh: “Madad”2-guruh: “Insayt”Hay’at a’zolari: 1. Barotov Sh.R. – rais2. Olimov L.Ya. – rais o’rinbosari3. Eshov E.S. – a’zo 4. Bafayev M.M. – a’zo5. Nazarov A.M. – a’zo Har ikkala jamoaga har bir guruhdan 10 nafardan ishtirokchi tanlab olindi. Jamoalar tomonidan devoriy gazeta ham tayyorlandi. Talabalar devoriy gazeta tayyorlash hamda xonani jihozlanishi uchun ham alohida baholandilar. Baholash 5 ballik tizimda amalga oshirildi. (5/5) Dastavval olib boruvchi tomonidan tadbir ochilib, jyuri a’zolari tanishtirib o’tildi va bellashuv shartlari e’lon qilindi. Bellashuv yo’nalishi konvertga solingan variantlar asosida qur’a tashlash yo’li bilan tanlab olindi. Mazkur holatda “Psixodiagnostika” sohasi tanlab olindi va savollar psixodiagnostikaga oid adabiyotlardan berildi. Mazkur shartda “Madad” jamoasi g’olib bo’ldi. (5/4)2-shart yuzasidan taniqli psixolog olimlar hayotidan tuzilgan savollarga ikkala jamoa a’zolari ham bir xil ballga ega bo’lishdi. (3/3)3-shart yuzasidan ham psixologik metodikalar tanlovida har ikkala komanda a’zolarining chiqishlarida jyuri a’zolari kamchiliklarni sanab o’tib, ularni bir ovozdan 4/4 ball bilan baholashdi. 4-shart yuzasidan ikkala komandadan vakil chiqib, psixologik adabiyotdagi materialni (“Psixologiya” jurnalidan) ingliz tilidagi maqolani o’qib, mazmunini aytib berishi lozimligi tushuntirildi va har ikkala jamoa vakillari ham mazmunni to’g’ri bayon etib berganligi va xorijiy tillarni o’rganishga ishtiyoqi yuqoriligi va intiluvchanligini inobatga olib shartli ravishda 5/5 ball bilan baholandi. 5-shart yuzasidan krossvordlar tanlovida har ikkala jamoa tomonidan taqdim etilgan krossvordlarni echish uchun a’zolar doskaga chaqirildi. Ular doskaga yopishtirilgan krossvordni qisqa vaqt ichida to’ldirib berishdi va 5/4 ball bilan baholanishdi. Shunday qilib, umumiy ball: “Madad” – 27 ball“Insayt” – 25 ball Natijalarga ko’ra, “Madad” jamoasi 27 ball bilan (2K guruhi) g’olib deb topildi va ularga psixologik adabiyot hamda jurnallar to’plami taqdim etildi. Jamoa a’zolariga fakultet dekanati hamda Yoshlar ittifoqining faxriy yorliqlari topshirildi. Tadbir ko’tarinki ruhda o’tdi. Keyingi bosqichlarda bunday tadbirlarni yuqori kurslarda ham keng joriy qilish taklifi berildi. [widgetkit id=101]Muxiddin BAFAYEVBuxDU Psixologiya kafedrasi o’qituvchisi
