Sog’lom turmush tarzi eng avvalo oiladagi tarbiyadan boshlanib yoshlarning bugungi kundagi asr vabosi hisoblanmish giyohvandlik va OITS kasalliklariga chalinishlarini nafaqat oldini olish, balki yoshlarda bu kasalliklarga qarshi kurashishning mafkuraviy immunitetini shakllantirish barchamizning jamiyat taraqqiyoti yo’lidagi burchimizdir.Mamlakatimizda barkamol avlodni tarbiyalab voyaga etkazishga, aholi salomatligini ta’minlash va g’amxo’rlik ko’rsatishga, ona va bola sog’ligini muhofaza qilishga katta e’tibor qaratilmokda. Aholining reproduktiv salomatligini mustahkamlash, jismoniy va ma’naviy etuk yoshlarni voyaga etkazish, sog’lom onadan sog’lom farzand tug’ilishini ta’minlash bugungi kunning muhim vazifalaridan sanaladi. “1-dekabr – Butunjahon OITSga qarshi kurash kuni” munosabati bilan hamda XXI asr vabosi xisoblangan OITS va OIV infeksiyasining tarqalishiga qarshi kurashish maqsadida fakultetlarda qator tadbirlar o’tkazilmoqda. Jumladan, 2016 yil 22 noyabr kuni Fizika – matematika fakultetida Ma’naviyat va ma’rifat bo’limi, BuxDU «Ibn Sino salomatlik maskani» ma’rifat markazi, Buxoro viloyat OITSga qarshi markaz bilan hamkorlikda davra suhbati o’tkazildi. “OITS va uning profilaktikasi“ haqida mutaxassislar ma’ruza qilishdi. 2016 yil 22 noyabar kuni “OITS va Narkotik moddalarning zarari, ayanchli va og’ir oqibatlari” mavzusida Pedagogika fakultetida davra suhbati o’tkazildi. 2016 yil 22 noyabr kuni “OITSsiz kelajak sari” mavzusida Tabiiy fanlar fakultetida;2016 yil 22 noyabr kuni “Kelajakka OIV infeksiyasisiz” mavzusida Filologiya fakultetida; 2015 yil 24 noyabr kuni Jismoniy tarbiya fakultetida Buxoro viloyat OITSga qarshi markaz xamda viloyat Narkologiya dispanseri bilan xamkorlikda “OITS va Narkotik moddalarning zarari, ayanchli va og’ir oqibatlari” mavzusida 2016 yil 25 noyabr kuni “Oiv infeksiyasi, etiologiyasi, epidemiologiyasi va profilaktikasi ” mavzusida Harbiy fakultetda davra suhbatlari o’tkazildi. Ma’ruzalarning mazmun-mohiyati slayd-ko’rgazmalar orqali namoyish etildi. Tadbir barcha qatnashchilarda katta taassurot qoldirdi. OITS markazi tomonidan talabalarga bukletlar tarqatildi. Savollarga mutaxassislar tomonidan etarlicha javob berildi.
