Turmush tarzida har bir xalqning uzoq asrlar davomida yaratgan ma’naviy va moddiy boyliklari, atrof - muhit, tabiat va jamiyat, kelajak haqida tasavvurlari, milliy-etnik belgilari, mentaliteti, urf-odatlari, an’analari hamda yashash usuli aks etadi. O`zbeklar yashash tarzida azaldan sog`lomlashtirish, salomatlikni asrash tafakkuri mavjud bo`lgan hamda mazkur bilim va malakalar tizimi farzandlar tarbiyasida keng qo`llanilgan.Shu nuqtai nazardan talabalarning tabiatga muhabbat uyg`otish, uni asrab –avaylash maqsadida universitetda bir qancha tadbirlar o`tkazib kelinmoqda. Pedagogika fakulteti, BuxDU «Ibn Sino salomatlik maskani» ma’rifat markazi, Tabiiy fanlar fakulteti “Ekologiya” kafedrasi hamkorligida 2015 yil 12 mayda tadbir tashkil etildi. Tadbirda shaxsiy va umumiy gigiena, ekologiyaning inson salomatligidagi o`rni, oilada tibbiy madaniyat, zararli odatlar va turmush tarzi mavzularida suhbat qurildi. Talabalar tadbirdan kerakli ma’lumotlarni olishdi
