Buxoro davlat universiteti, Buxoro davlat muzey qo’riqxonasi, “Kamolot” YoIH boshlang’ich tashkiloti hamda Harakatning viloyat Kengashi muassisligidagi “Buxoro yoshlari” gazetasining davlat granti loyihasi bilan hamkorlikda Buxoro shahridagi 6-son tarix faniga ixtisoslashtirilgan davlat umumta’lim maktabida buyuk davlat va siyosat arbobi, xalqimizning ulug’ yo’lboshchisi, mustaqillik me’mori, O’zbekiston Respublikasining Birinchi Prezidenti Islom Abdug’anievich Karimov tavalludining 79 yilligi hamda porloq xotirasigabag’ishlab “Buyuk jasorat sohibi”mavzusida ma’naviy-ma’rifiy tadbir bo’lib o’tdi. Unda olimlar, professor-o’qituvchilar, yosh tadqiqotchilar, talaba va magistrantlar hamda o’quvchi yoshlar ishtirok etib, “Islom Karimov xotirasi mangu barhayot”, “O’zbekiston boshqachadur”, “Kim edigu kim bo’ldik?!”, “Istiqlol Me’mori” nomli videolavhalar namoyish qilindi. “Islom Karimov butun umri davomida dunyoda osoyishtalik va barqarorlikni qaror toptirish borasida mutassil harakat qilib, jahon hamjamiyatida tinchlik donori sifatida shuhrat topgan edi”, - deydi maktabning boshlang’ich tashkiloti sardori, 9-sinf o’quvchisi Javohir Saidov. Birinchi Prezidentimizning O’zbekiston farzandlariga otalarcha g’amxo’rligi ijobiy ma’noda “portlash effekti”ni bergani isbot talab qilmaydigan ayni haqiqatdir. Bugun har bir o’g’il-qiz Birinchi Prezidentimiz qo’ygan tamal toshini yanada mustahkamlashga kamarbasta bo’lishi hamda bildirilgan ishonchni munosib oqlamog’i darkor.
