2015 yil 27 oktyabr Buxoro davlat universiteti Pedagogika fakulteti, Bux DU «Ibn Sino salomatlik maskani» ma’rifat markazi, Viloyat Salomatlik va tibbiy statistika instituti va Ma’naviyat va ma’rifat bo’limi hamkorlikda Talabalar o’rtasida sog`lom turmush tarzi tamoyillarini qaror toptirish, oilada tibbiy madaniyatni oshirish yoshlar orasida giyohvandlik, spirtli ichimliklarga ruju qo’yish kabi illatlarni oldini olish maksadida davra suxbati o’tkazildi. Tadbirda Salomatlik sirlari nimalardan iborat, Jismoniy faollik, Ruxiy salomatli va muomala madaniyati mavzularida ma’ruzalar qilindi. Salomatlik – har bir inson uchun bebaho boylik sifatida jamiyatning ijtimoiy – iqtisodiy rivojlanishining muhim shartlaridan biri bo’lib kelmoqda. Har bir fuqaro salomatligiga o’zi masul ekanligini anglashi lozim.Butun Jahon Sog`liqni saqlash tashkilotining ta’rifiga ko’ra: «Salomatlik – kasallik, biror nuqsonlarning yo’qligi emas, balki bu jismoniy, aqliy (ruhiy) va ijtimoiy xotirjamlikdir».Salomatlikni har qancha moddiy boylik va mablag` evaziga sotib olib bo’lmaydi. Inson mustahkam salomatlikka ega bo’lgandagina baxtli yashashi mumkin. Shunday ekan salomatlik – mavjud barcha qadriyatlar orasida eng oliysi sifatida qadrlanmog`i lozim. Buning uchun har bir inson mustahkam salomatlikka qanday erishish yo’lini, salomatlikning sir – asrorlarini chuqur bilishi va to’laqonli salomatlikning yagona yo’li sog`lom turmush tarzi ekanligini anglab etishi lozim.Turmush tarzi –inson xayotining shunday bir tayanch nuqtasiki, har bir inson unga tayangan xolda, o’z hayotini tubdan o’zgartirishga erishishi mumkin. Turmush tarzini belgilovchi bosh omil insonning o’zidir.Sog`lom turmush tarzi – shunday yashash tarziki, unda odamlar salomatligiga ta’sir ko’rsatuvchi zararli omillar bo’lmasligi, inson ulardan ongli ravishda o’zini chetga olishi kerak. Talabalar tadbirga faol ishtirok etib щzlarin6i ыiziыtirgan savollar bilan mutaxassislarga murojaat qilib kerakli ma’lumotlarga ega bo’lishdi.
