Universitetda uzoq yillarda faoliyat olib borgan ayni vaqtda nafaqada bo’lgan faxriylar uchun xodimlar kasaba uyushmasi tomonidan bayram dasturxoni tashkil etildi. Unga 250 nafar faxriylar taklif etildi. Shuningdek, universitet Bosh yig’ingohida madaniy-ma’rifiy tadbir tashkil etildi. 9 may kuni Buxoro shahridagi Xotira maydonida o’tkaziladigan xotira marosimida barcha fakultetlar jamoasining faol ishtiroki ta’minlandi, shu kuni shaharda istiqomat qilayotgan ikkinchi jahon urushi nogironlari, qatnashchilari va ularga tenglashtirilgan faxriylar ahvolidan xabar olish ishlari olib borildi.Jumladan, O’zbekiston Respublikasi Vazirlar Mahkamasining 2016 yil 3 maydagi 06-03-36-5-sonli bayoni ijrosini ta’minlash maqsadida “9 –May Xotira va qadrlash kuni” munosabati bilan 1941-1945 yil urush qatnashchilari va nogironlari, front orti mehnat faxriylari bayram sovg’alarini etkazib berish bo’yicha ishlab chiqilgan reja jadval asosida Vobkent tumanidagi urush qatnashchisi va nogironlardan 5 nafari, mehnat faxriylarining 11 nafaridan xabar olindi. Tashkil etilgan tashriflarda universitet jamoasi ham hamkorlik qildi. Ushbu tadbirlarda sport chempionlari, davlat mukofoti sohiblari, stipendiatlar, “Zulfiya” nomidagi Davlat mukofoti sohibalari ishtirok etdi. Ushbu tadbirlar OAV orqali keng yoritilmoqda. Vazirlikning 2016 yil 4 maydagi 87-03-1173-sonli xatiga asosan 7 may kuni mudofaa vazirligi tizimida xizmat burchini bajarish vaqtida halok bo’lgan Romitan tumanida istiqomat qiladigan podvolkovnik Shafigulin Nail Nazimovich xonadoniga tashrif uyushtirildi. Yaqin qarindoshlari ahvolidan xabar olinib, gul va qimmatbaho sovg’alar berildi. Tasviriy san’at ynalishining yosh rassomlari tomonidan rasmlari chizildi. Buxoro viloyat hokimligining 2016 yil 6 maydagi 1/2358-sonli xotin-qizlar qo’mitasining qo’shma tadbirlar rejasiga muvofiq “Orasta qizlar” to’garak a’zolari ishtirokida keksa onaxonlarning xonadonlarida bo’lib, ularning xonadonlari obodonchiligiga, tozaligiga e’tibor qaratib, gullar ekish ishlariga ko’maklashdilar.ham 2016 yil 6-may kuni universitetda mazkur bayram munosabati bilan universitet ma’muriyati va kasaba uyushma qo’mitasi tomonidan talabalar, nafaqadagi professor-o’qtuvchilar va ishchi-xodimlar ishtirokida “Maktab, akademik lisey va kasb-hunar kollejlari o’quvchilari harakat faolligini optimallashtirish: muammolar, echimlar va istiqbollar” mavzuida Respublika ilmiy-amaliy anjumani tashkil etildi. Anjumandan so’ng universitetning “Buxoro navolari” ansambli ishtirokida bir yarim soatlik dastur asosida konsert bo’lib o’tdi. Dasturlar tugagach nafaqadagi keksalarimiz bilan bir piyola choy ustida dildan suhbatlashildi. Ustoz-shogird munosabatlari yanada mustahkamlashdi. O’sib kelayotgan yosh avlod vakillariga faxriy ustozlarimiz tomonidan qilingan ma’ruzalar, aytilgan so’zlar hech kimning diqqat e’tiboridan chetda qolmadi. Shu kun munosabati bilan universitet mablag’lari hisobidan 87 nafar etim, chin etim va yarim etim talabalarga 1 oylik 3lik stipendiya miqdorida, 57 nafar professor-o’qituvchi va ishchi xodimlarga 1 oylik ish haqi miqdorida moddiy rag’batlantirildi.2016 yil 5 may kuni Harbiy fakultet 3 kurs talabalari bilan “Avlodlar uchrashuvi” mavzuida davra suhbati va uchrashuv o’tkazildi. Davra suhbatida 9 may - Xotira va qadrlash kuni yaqinlashib kelayotganligi munosabati bilan har bir inson avvalambor o’tgan avlodlarni ko’ngildan o’tkazishi, 1941-1945 yillarda jang qilgan ota-bobolarimiz mehnatlari, ularni yurtimiz ravnaqi yo’lida qo’shgan hisalari to’g’risida gapirib o’tildi. 2016 yil 9 may kuni “Kamolot” YoIH BT etakchilari MXXning chegara qo’shinlarida xizmat qilib, halok bo’lgan Egamov Nazarbek xonadoniga tashrif buyurdi. Yaqin qarindoshlari bilan dildan suhbat qurib, gul va sovg’a – salomlar taqdim etdi.Vatanimiz ozodligi va sha’nu sharafi himoyachilariga bag’ishlab mahallalarda professor-o’qituvchilar va mahalla faollari ishtirokida davra suhbatlari va ma’rifiy kechalar o’tkazildi. Yurtimiz chegaralarini himoya qilish davrida halok bo’lgan yigitlarning oila a’zolari bilan maktablarda Ehtirom tadbirlari, “Inson qadri boqiy, xotirasi muqaddas” deb nomlangan uchrashuvlar o’tkazildi. Tadbirlarda universitet Xotin-qizlar qo’mitasi raislari, “Kamolot” YoIH BT etakchilari va professor-o’qituvchilar faol ishtirok etishdi. 2016 yil 10 may kuni Tabiiy fanlar fakulteti Geografiya yo’nalishi talabalari ishtirokida “Inson qadri ulug’, xotirasi muqaddas” mavzusida davra suhbati o’tkazildi. Tadbirda talabalar faol ishtirok etib, sahna ko’rinishlari namoyish qilishdi. O’qituvchilarning 9-may Xotira qadrlash kuniga bag’ishlab qilingan ma’ruzalari tinglandi. Joriy yil 7 may kuni Tabiiy fanlar va Filologiya fakulteti talabalari va guruh murabbiylari “Xotira maydoni” hamda “Somoniylar maqbarasi”ga ma’rifiy sayohat uyushtirdi. Talabalar Xotira maydonidagi tarixiy kitobdagi zarvaraqlarni varalab, 2-jahon urushida qurbon bo’lgan va jasorat ko’rsatgan ajdodlarimiz nomlarini faxr bilan o’qib chiqdilar. Shundan so’ng talabalar “Munis Ona” haykali poyiga gullar qo’ydi.9 may kuni universitet professor-o’qituvchi va talabalari Buxoro shahridagi “Somoniylar” madaniyat va istirohat bog’ida barpo etilgan Xotira va qadrlash maydonida o’tkazilgan tantanali tadbirlarda ishtirok etdi va “Munis Ona” haykali poyiga gulchambarlar qo’ydilar.Universitetdagi barcha akademik guruhlarda “Axborot soati” mashg’ulotida guruh murabbiylari tomonidan “Tinchlik” darslari tashkil etilib, unga mehnat faxriylari taklif etildi va tegishli tartibda rasmiylashtirildi.
