Salomatlik muammosi mamlakatning ijtimoiy-iqtisodiy taraqqiyoti ko`rsatkichlaridan biri bo`lib, bu ekologik-iqtisodiy va ijtimoiy-gigienik farovonlikning o`ziga hosligi, fan-tehnika taraqqiyoti hamda aholi madaniyati darajasi bilan o`zaro uzviy bog`liqdir. Gigiena tabobatning keng qamrovli sohasi bo`lib, u kishilar hayoti va salomatligi uchun zarur bo`lgan talablarni nafaqat tozalik nuqtai nazaridan, balki ularning turmushlarini go`zal, qulay, behavf bo`lishligini ta’minlovchi masalalarni o`z ichiga oladi.Asr vabosi deya nom olgan OITS kasalligi va OIV infektsiyasining tarqalishiga qarshi kurashish maqsadida 2014 yil 25 noyabr kuni Ma’naviyat va ma’rifat bo`limi, Badiiy grafika fakulteti, «Ibn Sino salomatlik maskani» ma’rifat markazi, Buxoro viloyat OITSga qarshi kurash markaz, Viloyat Salomatlik va tibbiy statistika instituti “Kamolot”yoshlar ijtimoiy harakati bilan hamkorlikda davra suhbati o`tkazildi. Tadbirda “Shaxsiy va umumiy gigiena talablari”, “ OIV va OITS haqida tushuncha “, “Zararli odatlar va ulardan voz kechish” kabi mavzularda muloqot olib borildi. Yoshlarga bu xavfli virus haqida mutaxassislar tomonidan yetarlicha ma’lumot berildi. Ma’naviyat va ma’rifat bo`limi
