Ayol – buyuk so`z. Unda qizlik musaffoligi, do`stga xos fidoyilik, ona jasorati mujassamlashgan. Yurtboshimiz aytganlaridek, har qaysi jamiyatning madaniy darajasi va ma’naviy barkamolligi ayollarga bo`lgan munosabati bilan belgilanadi. Shu munosabat bilan 2014 yil 7 mart kuni 8 mart – Xotin-qizlar kuni munosabati bilan universitet professor-o`qituvchi va ishchi-xodimlari uchun BuxDU qoshidagi 4-son akademik liseyning faollar zalida “Farzandlar kamoli – onalar baxti” mavzuida badiiy-musiqiy kecha o`tkazildi.Unda “Buxoro navolari” badiiy jamoasi hamda filologiya, pedagogika fakulteti talabalari tomonidan tayyorlangan musiqiy kompozision dastur namoyish etildi. Tadbirda 200 nafar ishtirokchi qatnashdi. Bayram munosabati bilan barcha fakultetlar tomonidan bir guruh professor-o`qituvchi va ishchi-xodimlar “Faxriy yorliq” hamda “Tashakkurnoma” bilan taqdirlandi.
