Giyohvandlik har qanday jamiyatning ijtimoiy-iqtisodiy taraqqiyoti yo`liga g`ov bo`lish barobarida, yigit-qizlarning salomatligi, xmda kelajagi va hayotiga raxna solmoqda. Bu borada mamlakatimizda giyohvandlikka qarshi kurashish, yoshlarni bu xatardan asrash davlat siyosati darajasiga etmoqda.Bu xavfning oldini olish nafaqat huquq-tartibot idoralari, professor — pedagog tarbiyachilarning ham yosh avlodni tarbiyalashdagi eng muhim burchidir. Giyohvandlikka qarshi kurashish va sog`lom turmush tarzini targ`ib qilishga qaratilgan ijodiy uchrashuvlar tashkil qilish maqsadida BDU professor- o`qituvchilari va talaba yoshlar orasida bunday tadbirlarni o`tkazish maqsadga muvofiqdir. Shu munosabat bilan Buxoro shahar xokimligi majlislar zalida 2015 yil 13 fevral Buxoro davlat universiteti, Viloyat Ichki Ishlar Boshqarmasi, Viloyat Salomatlik va tibbiy statistika instituti, BuxDU “Ibn Sino salomatlik maskani” ma’rifat markazi, BuxDU “Kamolot”yoshlar ijtimoiy harakati bilan hamkorlikda yoshlar orasida narkotik moddalarning tarqalishiga qarshi kurashish maqsadida davra suhbati o`tkazildi. Tadbirda shu bilan birga BuxDU ma’naviy –ma’rifiy ishlar bo`yicha dekan muovinlari, fakultet professor-o`qituvchilari va 500 nafar talaba-yoshlar ishtirok etdi. Mutaxassislarning ma’ruza va maslahatlaridan so`ng ”Adashganlar qismati” nomli hujjatli film namoyishi bo`ldi. Film professor o`qituvchilar va talaba yoshlarga katta taassurot qoldirdi.
