Chaqiriqqacha harbiy ta’lim fakulteti

Fakultet rahbariyati

1. Fakultet boshlig‘i podpolkovnik Baboyev A’lomirza To‘lamirzayevich;
2. Fakultet boshlig‘ining o‘rinbosari, umumqo‘shin tayyorgarlik sikl boshlig‘i podpolkovnik To‘rayev Jahongir Anvarovich;
3. Fakultet boshlig‘ining yoshlar bilan ishlash bo‘yicha o‘rinbosari, zahiradagi mayor, dotsent Abdullayev Yo‘lchi Ziyoyevich;
4. Fakultet o‘quv bo‘lim boshlig‘i, zahiradagi kapitan Abdullayev Amrillo Nasullayevich;
5. Uslubiy tayyorgarlik sikl boshlig‘i zahiradagi katta leytenant Abduraxmonov Sherzod Nazarbayevich;
6. Maxsus tayyorgarlik sikl boshlig‘i zahiradagi leytenant, pedagogika fanlari bo‘yicha falsafa doktori (PhD) Uzoqov Asliddin Mexriddinov.

O‘zbekiston Respublikasi Vazirlar Mahkamasining 2018-yil 9-oktabrdagi 809-qarori, O‘zbekiston Respublikasi Mudofaa xamda Oliy va o‘rta maxsus ta’lim vazirligining 2017-yil 23-dekabrdagi 36/25–sonli qo‘shma qarori talablariga muvofiq, shuningdek, namunaviy o‘quv  rejalari, o‘quv dasturlari, yillik va oylik ish rejalariga asosan, fakultet boshqarmasi ofitserlari va ofitser-o‘qituvchilari tomonidan O‘zbekiston Respublikasi Qurolli Kuchlariga zaxiradagi ofitserlarni tayyorlashga qaratilgan ishlar amalga oshirilib kelinmoqda.

Ushbu fanni o‘qitadigan pedagog kadrlarni esa respublikamiz bo‘yicha faqat 3 ta Oliy ta’lim muassasasi harbiy fakultetlarida o‘qitilmoqda, ya’ni:

1. Nizomiy nomidagi Toshkent davlat pedagogika universitetida;
2. Buxoro davlat universitetida;
3. Farg‘ona davlat universitetida tayyorlanadi.

Fakultet tarixi. Buxoro davlat universiteti harbiy kafedrasi sobiq ittifoq Mudofaa va Maorif vazirliklarining 1980-yil 15-iyuldagi № 267/989/159/172 sonli qo‘shma buyrug‘iga asosan shakllantirilgan va o‘z faoliyatini boshlagan. 100 kishidan iborat bo‘lgan rezervdagi ofitserlarning birinchi bitiruv marosimi 1984-yil bo‘lib o‘tgan.

1991-yil O‘zbekiston Respublikasi mustaqillikka erishgandan so‘ng, birinchi prezidentimiz I.A. Karimov Farmoniga ko‘ra harbiy kafedra o‘z faoliyatini Buxoro davlat universiteti tarkibida yurita boshlagan.

Mamlakatimiz mustaqillikka erishgan paytdan toki bugungi kunga qadar harbiy fakultetdan “Chaqiriqqacha harbiy ta’lim” yo‘nalishi bo‘yicha 2500 nafardan ziyod malakali kadrlar yetishib chiqqan.

O‘zbekiston Respublikasi Mudofaa hamda Oliy va o‘rta maxsus ta’lim vazirliklarining 2004-yil 11-avgustdagi 2/193-sonli qo‘shma farmoyishi, Buxoro davlat universiteti rektorining 2005-yil 5-avgustdagi 204-U sonli buyrug‘i asosida harbiy fakultet Pedagogika fakulteti tarkibidan ajralib chiqdi va u Chaqiriqqacha harbiy ta’lim deb nomlandi. Fakultetda Umumqo‘shin tayyorgarlik sikli, Maxsus tayyorgarlik sikli va Uslubiy tayyorgarlik sikllari tashkil etildi.

2010-yilda fakultetda magistratura ta’lim yo‘nalishi ochildi. Unga dastlab olti nafar talaba qabul qilingan. Hozirda to‘rt nafar magistr fakultetda o‘z faoliyatini davom ettirmoqda.

Bugungi kunda harbiy fakultetda O‘zbekiston Respublikasi Mudofaa vazirining 2012-yil 15-iyundagi №21/1/1294 sonli Direktivasining talablariga asosan №25/020-51 shtatida 2 ta shartnoma asosida harbiy xizmatchi, 21 nafar zahiradagi ofitser o‘qituvchilar ва o‘quv-yordamchi xodimlar faoliyat ko‘rsatmoqda. Bulardan 6 nafari katta o‘qituvchi va 4 nafari magistr akademik darajasiga ega.

Yoshlarni O‘zbekiston Respublikasi Qurolli Kuchlari safida xizmat qilish uchun tayyorlash Davlat miqyosidagi vazifadir. Shuning uchun harbiy kafedraning oldiga qo‘ygan maqsadi dolzarb. Ma’lumki, O‘zbekiston Respublikasining “Ta’lim to‘g‘risida”gi, “Kadrlar tayyorlash milliy dasturi” hamda “Umumiy harbiy majburiyat va harbiy xizmat to‘g‘risida”gi qonunlarga muvofiq akademik litsey va kasb-hunar kollejlarida yoshlarga “Chaqiruvga qadar boshlang‘ich tayyorgarlik” fani o‘qitilishi ta’lim tizimiga kiritilgan. Buxoro davlat universiteti harbiy ta’lim fakulteti ana shu sohaning malakali mutaxassislarini yetkazib bergan.

Talabalarda sog‘lom muhitni shakllantirish, ularning bo‘sh vaqtlarini mazmunli o‘tkazish va muntazam sport bilan shug‘ullanishlarini tashkil qilish maqsadida sport trenajer zali tashkil qilingan va zamonaviy sport trenajerlari bilan ta’minlangan. Shuningdek, talabalarning Qurolli Kuchlarimizda mavjud bo‘lgan qurollar namunalaridan foydalanish va amalda ishlata bilishga doir bilim-ko‘nikmalarini shakllantirish maqsadida DK-440 fotoelektron otish trenajeri xonasi tashkil qilingan.

O‘zbekiston Respublikasi Mudofaa vaziri va Oliy va o‘rta maxsus ta’lim vazirining 2017-yil 23-dekabrdagi 36/25–sonli qo‘shma qarori talablarini bajarish hamda talabalarni o‘qitish va tarbiyalashda ofitser-o‘qituvchilarni ilg‘or mahoratni ommalashtirish, umumlashtirish, ularning pedagogik mahoratlarini oshirish uchun harbiy ta’lim fakultetida fakultet uslubiy xonasi zamonaviy jihozlangan.

2021-yil fevral oyidan yangi ta’mirlangan o‘quv binosiga ko‘chib o‘tgandan so‘ng talabalarning chet tillarni o‘rganishlari uchun 22 nafar talabaga mo‘ljallangan lingafon xonasi tashkil qilinib, zamonaviy kompyuterlar o‘rnatilgan. Bulardan tashqari, o‘quv yili davomida Umumqo‘shin tayyorgarlik sikli, Uslubiy tayyorgarlik sikli va Maxsus tayrgarlik sikllarida “O‘q otish tayyorgarligi”, “Texnik tayyorgarlik”, Chaqiruvga qadar boshlag‘ich tayyorgarlik”, “Fuqaro muxofazasi” hamda “Harbiy topografiya” kabi sinflari ta’mirdan chiqarilib, fanga mos stendlar va o‘quv-moddiy jihozlar bilan ta’minlangan.

Buxoro davlat universiteti harbiy kafedrasi O‘zbekiston Respublikasi Mudofaa vazirining 2015-yil 21-sentabrdagi 758-sonli buyrug‘iga asosan 2014/15 hamda 2015/16 o‘quv yili yakunlari bo‘yicha O‘zbekiston Respublikasi oliy ta’lim muassasalari “Eng ilg‘or harbiy kafedrasi” deb topildi va “Amir Temur otda” ko‘chma sovrini hamda diplom bilan taqdirlangan.

Buxoro Davlat universiteti harbiy fakultetiga quyidagilar yuklatilgan:

1)  O‘zbekiston Respublikasining Qurolli Kuchlari uchun zahiradagi malakali ofitser kadrlarni tayyorlash;

2) “Chaqiriqqacha harbiy ta’lim” bakalavr yo‘nalishi bo‘yicha yuqori malakali pedagog kadrlarni tayyorlash.

Fakultetdagi erishilgan yutuqlar:

1. 2021-yil fevral oyida yangi o‘quv binosiga ko‘chib o‘tildi. Saf maydoni, talabalar oshxonasi, to‘siqlar yo‘lagi, va katta faollar zaliga ega bo‘ldik.

2. 2020-yil 29-dekabr kuni Samarqand davlat unversiteti huzuridagi ilmiy daraja beruvchi PhD. 03/30.01.2020. Ped.02.03 raqamli ilmiy kengashda maxsus tayyorgarlik sikl boshlig‘i Uzoqov Asliddin Mexriddinovich 13.00.01- Pedagogika nazariyasi. Pedagogika ta’limotlar tarixi yo‘nalishi bo‘yicha PhD ilmiy unvonini oldi.

3. Harbiy ta’lim fakulteti 4-bosqich talabasi Junaydullayev Mels Asliddin o‘g‘li Navoiy nomdor stipendiantiga sazovor bo‘ldi.

4. Harbiy ta’lim fakulteti boshlig‘i podpolkovnik Baboyev A’lomirza To‘lamirzayevich O‘zbekiston Respublikasi Mudofaa vazirining 2020 yil 2-dekabrdagi 736-sonli buyrug‘i bilan “II-darajali Namunali xizmatlari uchun” ko‘krak nishoni bilan taqdirlandi.

5. O‘zbekiston Respublikasi Mudofaa vaziri tomonidan Uslubiy tayyorgarlik sikli boshlig‘i - katta o‘qituvchisi Abduraxmonov Sherzod Nazarbayevich munosib mehnatlari uchun “Faxriy yorliq” bilan taqdirlandi.

6. Birgina 2020-21-o‘quv yili davomida fakultet ofitser-o‘qituvchilari tomonidan respublika va xalqaro ilmiy jurnallarga chop etilgan maqola va tezislar;

Darslik – 4 ta.

O‘quv qo‘llanma - 6 ta

Uslubiy qo‘llanma -2 ta.

Xalqaro miqyosidagi maqola – 20 ta

Xalqaro miqyosidagi tezis -23 ta

Respublika miqyosidagi maqola (OAK ta’sarufidagi)- 8 ta

Respublika miqyosidagi tezislar -13 ta

13.00.01-Pedagogika nazariyasi. Pedagogik ta’limotlar tarixi ixtisosligida pedagogika fanlari bo‘yicha falsafa doktori (PhD) ilmiy darajasi olish uchun 9 ta ofitser o‘qituvchimiz mustaqil izlanuvchi sifatida ish olib bormoqda:

1) Abduraxmonov Sherzod Nazarbayevich;

2) Safoyev Xusen Aminbayevich;

3) Nurullayev Laziz Latipovich;

4) Mamurov Ulug‘bek Ibragimovich;

5) Samadov Abdulaziz Ashurovich;

6) Nazarov Toxir Toshpulatovich;

7) Abdullayev Amrillo Nasullayev;

8) Xoliqov Ixtiyor Razzoqovich;

9) Raximov Farrux Boltayevich.

Ta’lim sohasidagi hamkorlik:

Buxoro shahridagi 2-sonli umumta’lim o‘rta maktab, 3-sonli umumta’lim o‘rta maktab va 42-sonli IDUM o‘rtasida o‘zaro hamkorlik yo‘lga qo‘yilgan.

Buxoro davlat universiteti Harbiy fakultet sobiq talabalaridan

S.Orjonikidze nomidagi Buxoro pedagogika instituti qoshida tashkil etilgan Harbiy kafedra 1980-yil tashkil etilib, birinchi marta 1983-yil Ittifoqlararo konferensiya tashkil etilgan va harbiy kafedra “yaxshi” baHolangan.

1984-yil Sobiq ittifoq Quruqlikdagi qo‘shinlar qo‘mondoni. “Sovet ittifoqi qaHramoni” general-polkovnik Y.A.Naumenko kafedraga kelib umumiy tekshiruv ishlari o‘tkazib “Yaxshi” baholab ketgan.

1984-yillarda o‘qib tugatgan Boymurodov Rajab o‘sha vaqtdagi Lenin stipendiyasini olib bir qator fan olimpiyadalarida ishtirok etib g‘oliblikni qo‘lga kiritgan.

1987-yil respublikalararo seminar-yig‘ilishi o‘tkazilgan va “yaxshi” baxolanganligi uchun “Benuqson  xizmati uchun I pog‘ona” medali bilan podpolkovnik Andenyuk V.A., podpolkovnik Siderenko A.I., mayor Artyuxov N.I., mayor Levit V.G. lar, “Benuqson  xizmati uchun II pog‘ona” medali bilan mayor Alexin N.P., mayor Karnaruk V.T., mayor Fomin V.B. lar taqdirlangan.

1988-yil “Benuqson  xizmati uchun III pog‘ona” medali bilan kapitan Yakushev A.V. va kapitan Kulchikovskiy N.A.ga esa yuqori ittifoq prezidumi tomonidan “Krasnaya Zvezda” ordeni bilan taqdirlangan.

1990-yil Buxoro pedagogika institutining 60 yillik yubileyida Harbiy kafedraga O‘zbekiston xalq ta’limi vaziri o‘rtoq Yusupov tashrif buyurganlar va harbiy kafedraning joylashishi va o‘quv jarayonlari bilan tanishganlar.

1992-yil O‘zbekiston Respublikasining mustaqilligi munosabati bilan Sobiq ittifoq mudofaa vazirligidan O‘zbekiston Mudofaa vazirligiga o‘tkazildi va Buxoro davlat universiteti Harbiy kafedrasi nomi berildi.

1999-2000-yillarda Ibragimov Feruz TAEKVANDOO bo‘yicha O‘zbekiston chempionatida qatnashib o‘z vazn toifasida g‘oliblikni qo‘lga kirtigan.

2000-2002-yillarda Raximov Ravshan kurashning sambo turi bo‘yicha O‘zbekiston Respublika chempioni unvoniga sazovor bo‘lgan. Sport ustasi.

2002-yil Harbiy kafedra Sharipov Shavkat Samarqand shahrida bo‘lib o‘tgan Universiadada Yengil atletikaning estafeta musobaqasi bo‘yicha g‘oliblikni qo‘lga kiritgan.

2002-yil Aminov Hamza Universiadada Basketbol sport turi bo‘yicha universiada chempionligini qo‘lga kiritgan.

2004-yilgi “Universiada-2004”da Harbiy kafedra 4 kurs talabasi Atoyev Jaxongir “Dzyu-Do” sporti bo‘yicha chempionlikni qo‘lga kiritgan.  

2004-yil Jumayev Farxod Samarqanddagi bo‘lib o‘tgan universiadada kurash bo‘yicha o‘z og‘irligi vaznida chempionlikni qo‘lga kiritgan.

2005-yil O‘zbekiston Respublikasi Oliy va o‘rta maxsus ta’lim vazirligi va Mudofaa vazirligining 2004-yil 11-avgustdagi 12/230-sonli qo‘shma farmoyishga muvofiq hamda Buxoro davlat universiteti rektorining 2005-yil 5-avgustdagi 204-U-sonli buyrug‘i asosida Harbiy kafedra Harbiy fakultet (kafedra negizida) deb nom berildi va tashkil etildi.

2005-yil Harbiy kafedra 3 kurs talabasi Nasriyev Otabek “Kikboksing” sport turi bo‘yicha O‘zbekiston chempioni martabasiga erishgan.

2009-yil Harbiy fakultet 4 kurs talabasi Haydarov Muxammad “Taekvando” sport turi bo‘yicha uchinchi o‘rinni egallab g‘oliblikni qo‘lga kiritgan.

2009-yil Kamolov Nuriddin Qo‘l jangi bo‘yicha O‘zbekiston birinchiligida o‘z vazn toifasida chempionlikni qo‘lga kiritgan. 

2010-yil 24-iyun kuni O‘zbekiston Respublikasi Oliy va o‘rta maxsus ta’lim vazirligi, oliy attestatsiya komissiyasi tomonidan Harbiy fakultet o‘qituvchisi podpolkovnik Rayimov Shukrullo Karimovichga navbatdagi ilmiy unvon “Dotsent” unvoni berildi.

2011-yilgi o‘tkazilgan “Universiada-2011”da harbiy fakultet 3 kurs talabasi Saidov Soxib yugurish bo‘yicha musobaqada qatnashib faxrli uchinchi o‘rinni egallagan.

2011-yil “O‘zbek qo‘l jangi san’ati” sporti bo‘yicha chempionlikni qo‘lga kiritib “Ustalik” unvoniga muyassar bo‘lgan. 2013-yil Taekvandoning ITF yo‘nalishi bo‘yicha yoshlar o‘rtasida “Mustaqilligimiz abadiy bo‘lsin” shiori ostida o‘tkazilgan viloyat miqyosidagi turnirda ishtirok etib 1-darajali diplom bilan taqdirlangan.

2012-yil Harbiy fakultet 4 kurs talabasi Ismoilov Nozim “Dzyu-do” sport turi bo‘yicha O‘zbekistonda o‘tkazilgan chempionatda g‘oliblikni qo‘lga kiritgan.

2013-yildagi o‘tkazilgan “Universiada-2013”da harbiy fakultet 3 kurs talabasi Nazarov Nurbek volebol bo‘yicha musobaqada qatnashib komanda bo‘yicha g‘oliblikni qo‘lga kiritishgan.

2013-yil Harbiy fakultet 3 kurs talabasi Djo‘raev Umid “Taekvando” sport turi bo‘yicha o‘z vazn toifasida O‘zbekiston chempioni unvoniga muyassar bo‘lgan.

2014-yil “Diniy ekstremizmni qanday tushnasiz” mavzusidagi insho g‘olibi bo‘lgan 2 kurs talabasi To‘rayev Farxod o‘zining 2 ta sheriy to‘plamlari kitobini nashrdan chiqargan.

2014-yil Harbiy fakultet 2 kurs talabasi Kenjaev Bexruz “Yosh tadbirkor elga madadkor” ko‘rik tanlovida qatnashib g‘olib bo‘lgan va 20 000 000 so‘m mukofot egasi bo‘lgan.

2014-yil Yodgorov Murod yoshlar o‘rtasida o‘tkazilgan taekvando sport turi bo‘yicha o‘z vazn toifasida O‘zbekiston chempioni bo‘lgan. Hozirgi kunda 4 kurs talabasi.

2015-yil oliygohlar o‘rtasida o‘tkazilgan tanlovda Parmonov Xusniddin nomutaxasis fanlar bo‘yicha tanlov g‘olibligini qo‘lga kiritgan. (2010-yilda o‘tkazilgan “Armreysing” musobaqasi g‘olibi Jaxon chempioni unvoniga muyassar bo‘lgan). Parmanov Xusniddin Isomiddin o‘g‘li Armrestling sport turi bo‘yicha 8 karra O‘zbekiston chempioni, 4 karra kumush medal soxibi, 5 karra bronza medali soxibi, 2011-12-yillarda Qozog‘istonda jahon chempionatida 5 o‘rinni egalagan. 2001-yil sport ustasi unvoni O‘zbekiston Respublikasi Madaniyat va sport vazirligi tomonidan berilgan. Hozirgi kunda Harbiy fakultet 3 kurs talabasi.

So‘nggi besh yilda erishilgan yutuqlar

Ustoz shogird tizimi doirasida shogirdi Harbiy ta’lim fakulteti talabasi Junaydullayev Mels Asliddin o‘g‘lining erishgan yutulari:

2017-yil Buxoro davlat universiteti bo‘yicha o‘tkazilgan “Millatimiz iftixori, bunyodkorlik va xalqlar do‘stligi kuychisi”  nomli Atoqli davlat arbobi va yozuvchi Sharof Rashidov tavalludining 100 yilligi munosabati bilan “Millatimiz iftixori” mavzusida maqolalar tanlovining universitet bosqichida faxrli 1-o‘rinni egallab “Faxriy yorliq” bilan taqdirlangan.

2018-yil “Yil talabasi-2018” respublika tanlovining universitet bosqichida “Yilning eng faol tashabbuskor talabasi” nominatsiyasi bo‘yicha 1-o‘rinni qo‘lga kiritgan va “Faxriy yorliq” bilan taqdirlangan.

2018-yil “Men diniy ekstremizm va terrorizmning tahdidini qanday tushunaman” mavzusidagi maqolalar tanlovining universitet bosqichida faxrli 1-o‘rinni egallab “Diplom” bilan taqdirlangan.

2018-yil “O‘zbekiston yoshlari buzg‘unchi g‘oyalarga qarshi” mavzusida talaba-yoshlar o‘rtasida o‘tkazilgan respublika maqolalar tanlovining universitet bosqichida 2-o‘rinni qo‘lga kiritgan.

 2018-yil “Biz yoshlar odam savdosiga qarshimiz” nomli “Odam savdosi mudhish jinoyat” mavzusida talaba yoshlar o‘rtasida “Eng yaxshi referat” va “Eng yaxshi insholar” tanlovining ikkinchi bosqichida faol ishtirok etib faxrli 2-o‘rinni egallab, “Faxriy yorliq” bilan taqdirlangan.

2019-yil Buxoro davlat universitetida  “Biz korrupsiyaga qarshi” mavzusida o‘tkazilgan tanlovning universitet bosqichida “Eng yaxshi maqola” nominatsiyasi bo‘yicha 1-o‘rinni egallagan va diplom bilan taqdirlangan.

2019-yil O‘zbekiston Respublikasi Oliy ta’lim muassasalari talabalari o‘rtasida “Biz korrupsiyaga qarshi” mavzusida o‘tkazilgan tanlovning respublika bosqichida “Eng yaxshi maqola” nominatsiyasi bo‘yicha III darajali diplom bilan taqdirlangan.

2019-yil “Yil talabasi-2019” respublika tanlovining universitet bosqichida yilning “Yilning eng faol tashabbuskor-targ‘ibotchi talabasi” nominatsiyasi bo‘yicha 3-o‘rinni qo‘lga kiritgan.

Harbiy ta’lim fakultet fakulteti boshlig‘i podpolkovnik Baboyev A’lomirzo To‘lamirzaevich tomonidan “Chaqiriqqacha harbiy ta’lim asoslari” fanidan Oliy ta’lim grifi bilan 2019-yil darslik chop etgan.

Harbiy ta’lim fakulteti boshlig‘ining yoshlar bilan ishlash bo‘yicha o‘rinbosari mayor Abdullayev Yo‘lchi Ziyaevich tomonidan “Harbiy qismda harbiy vatanparvarlik va ma’naviy-axloqiy tarbiya uslubiyoti” nomli uslubiy qo‘llanma 2019-yil chop ettirildi.

Harbiy ta’lim fakulteti boshlig‘ining yoshlar bilan ishlash bo‘yicha o‘rinbosari mayor Abdullayev Yo‘lchi Ziyayevich universitet miqyosida o‘tkazilgan “Eng yaxshi metodik qo‘llanma” tanlovida qatnashib 3-o‘rinni egallagan.

2021-yilda Harbiy ta’lim fakulteti boshlig‘ining yoshlar bilan ishlash bo‘yicha o‘rinbosari mayor Abdullayev Yo‘lchi Ziyayevich tomonidan “Harbiy vatanparvarlik tarbiyasi asoslari” nomli darslik chop ettirildi.

2021-yilda Harbiy ta’lim fakulteti Maxsus tayyorgarlik sikli o‘qituvchisi Nurullayev Laziz Latipovich tomonidan “Harbiy qonunchilik asoslari” nomli o‘quv qo‘llanma chop ettirildi.

2021-yilda Harbiy ta’lim fakulteti Uslubiy tayyorgarlik sikli o‘qituvchisi Mamurov Ulug‘bek Ibragimovich tomonidan “Harbiy vatanparvarlik tarbiyasi nazariyasi” nomli o‘quv qo‘llanma chop ettirildi.

2021-yilda Harbiy ta’lim fakulteti Maxsus tayyorgarlik sikli katta o‘qituvchisi Rahimov Farrux Boltayevich tomonidan “Chaqiruvga qadar boshlang‘ich tayyorgarlikda axborot kommunikatsiya texnologiyalari” nomli o‘quv qo‘llanma chop ettirildi.

 Fakultetning sport sohasidagi yutuqlari

2017-yil talaba Qobilov Zafar Akmalovich Erkin kurash sport turi bo‘yicha Toshkent shahrida 1-o‘rinni egallab O‘zbekiston chempioni  g‘olibligini qo‘lga kiritgan, talabaZiyodullaev Dilshod Xayrullaevich Sambo sport turi bo‘yicha Toshkent shahrida bo‘lib o‘tgan chempionatda 1-o‘rinni egallab O‘zbekiston chempioni bo‘lgan, talaba Hazratov Shohjaxon Dzyu-do kurashi sport turi bo‘yicha Toshkent shahrida 1-o‘rinni egallab O‘zbekiston chempioni g‘olibligini qo‘lga kiritgan.

2019-yil talaba Ziyodullayev Dilshod Xayrullayevich Sambo sport turi bo‘yicha Kipr davlatining Limasol shahrida bo‘lib o‘tgan 1-o‘rinni egallab Xalqaro turnir chempioni darajasini qo‘lga kiritgan, talaba G‘afurov Husniddin Axror o‘g‘li Dzyu-do kurashi sport turi bo‘yicha Qoraqolpog‘iston respublikasi Nukus shahrida 1-o‘rinni egallab Xalqaro turnir chempioni bo‘lgan, talaba G‘afurov Husniddin Axror o‘g‘li Aykido sport turi bo‘yicha Qoraqolpog‘iston respublikasi Nukus shahrida 1-o‘rinni egallab Xalqaro turnir chempioni bo‘lgan, talaba G‘afurov Husniddin Axror o‘g‘li Milliy kurash sport turi bo‘yicha Toshkent shahrida bo‘lib o‘tgan O‘zbekiston chempionatida 1-o‘rinni egallab chempion bo‘lgan, talaba Hamidov Temur O‘lmaszoda yoshlar, o‘smirlar va kattalar o‘rtasida o‘tkazilgan O‘zbekiston kubogida 2-o‘rinni qo‘lga kiritgan, talaba Ziyodullaev Dilshod Xayrullaevich Sambo sport turi bo‘yicha Germaniyada o‘tkazilgan cheipionatda qatnashib o‘z og‘irligi bo‘yicha 1-o‘rinni o‘lga kiritib chempion bo‘lgan, talaba Saidov Olimxon Bahodir o‘g‘li Dzyu-do kurashi turi bo‘yicha Tojikistonda o‘tkazilgan cheipionatda qatnashib o‘z og‘irligi bo‘yicha 3-o‘rinni qo‘lga kiritib chempion bo‘lgan.

2020-yil  talaba Ziyodullayev Dilshod Xayrullayevich Sambo sport turi bo‘yicha Germaniyada o‘tkazilgan cheipionatda qatnashib o‘z og‘irligi bo‘yicha 1-o‘rinni o‘lga kiritib chempion bo‘lgan, talaba Hamidov Temur O‘lmas o‘g‘li Toshkent shahrida “O‘zbek jang san’at” turi bo‘yicha 2002-2006-yillarda tug‘ilgan o‘smirlar va o‘smir qizlar hamda kattalar orasida O‘zbekiston chempionatida faxrli ikkinchi o‘rin sohibi bo‘ldi.

Talaba Toxirov Aziz Anvar o‘g‘li “Jiu-jitsu” Federatsiyasi tomonidan Xorazm shahrida 2020 yil yanvar oyining 10-12-kunlari respublikamizning 12 ta hududidan jami 450 dan ortiq saralangan sportchilar o‘rtasida g‘oliblik uchun kurash olib bordilar. Mazkur musobaqada Aziz Toxirov 65 kg vaznda erkaklar o‘rtasida bo‘lib “Jiu-jitsu” turi bo‘yicha faxrli 1-o‘rin bilan g‘oliblikni qo‘lga kiritdi.