"Faol tadbirkorlik, innovatsion g’oyalar va texnologiyalarni qo‘llab-quvvatlash yili" davlat dasturi hamda, PQ-3151 son "Oliy ma'lumotli mutaxassislar tayyorlash sifatini oshirishda iqtisodiyot sohalari va tarmoqlari ishtirokini yanada kengaytirish chora-tadbirlari to‘g’risida" Prezident qarorida belgilangan vazifalar ijrosi uchun Turizm fakulteti professor-o‘qituvchilari qator ishlarni amalga oshirishmoqda. 17 fevral kuni "Iqtisodiyot" kafedrasi o‘qituvchilari A.A.Qodirov, S.S.Davlatov hamda "Turizm" kafedrasi o‘qituvchisi O.X.Azimovlar Jondor tumanidagi "Qudrat baliq xazina" fermer xo‘jaligi faoliyati bilan tanishishdi. Mazkur fermer xo‘jaligi 2018-yilda o‘z asosiy ishlab chiqarish yo‘nalishi bo‘lgan bug’doychilik va chorvachilikka qo‘shimcha ravishda baliq yetishtirish hamda, ochiq havoda baliqdan tayyorlanadigan taomlarni taklif qilishni yo‘lga qo‘ymoqchi. Buning uchun ajratilgan yerlar holati bilan tanishildi, baliqchilikka qo‘shimcha ravishda ekoturizmni rivojlantirish borasida imkoniyatlar o‘rganildi. Ishchi guruh tomonidan fermer xo‘jaligining ko‘p tarmoqli faoliyatini samarali yo‘lga qo‘yish borasida takliflar berildi. Fakultet professor-o‘qituvchilarining doimiy ravishda tashrif buyurishlari hamda konsalting xizmatlari ko‘rsatishga kelishib olindi.
