2018 yil 14 may kuni Markaziy Osiyoning islom sivilizatsiyasi rivojidagi tarixiy o‘rnini, mintaqa allomalarining ilmiy-ma‘naviy merosini o‘rganish borasida yosh tadqiqotchilar hamda talabalarning olib borgan ilmiy-ijodiy izlanishlari va tadqiqotlari natijalarini keng targ‘ib etish, ularning ilm-fan rivoji yo‘lida munosib avlod bo‘lishdek ezgu intilishlarini rag‘batlantirish va qo‘llab-quvvatlash maqsadida Toshkent islom universitetida Oliy va o‘rta maxsus ta‘lim vazirligi, Din ishlari bo‘yicha qo‘mita, Islom sivilizatsiyasi markazi, Fanlar akademiyasi, Toshkent davlat sharqshunoslik instituti, O‘zbekiston musulmonlari idorasi bilan hamkorlikda tadqiqotchi va talabalarning “Markaziy Osiyo va islom tsivilizatsiyasi” mavzuidagi respublika ilmiy-amaliy konferentsiyasi o‘tkaziladi.Konferentsiya quyidagi sho‘‘balarda faoliyat olib boradi:1. Markaziy Osiyo mutafakkirlarining ilmiy-ma‘naviy va diniy-ma‘rifiy merosini o‘rganish va targ‘ib qilishning dolzarb masalalari;2. Islom sivilizatsiyasining jahon ilm-fani rivojidagi o‘rni va ahamiyati;3. Insonparvarlik, o‘zaro totuvlik va hurmat, insoniy bag‘rikenglik kabi tamoyillar – Islom tsivilizatsiyasining asosi sifatida; 4. Islom madaniyatining mamlakatimiz ijtimoiy-ma‘naviy hayotidaga roli va uning yosh avlod tarbiyasidagi o‘rni.Birinchi sho‘bada: Markaziy Osiyodan yetishib chiqqan Qur‘on, tafsir, hadis, kalom, fiqh, islom tarixi, islom manbalari, tasavvuf, tilshunoslik va adabiyot sohalarida ulkan ilmiy meros qoldirgan allomalarning hayoti va ilmiy faoliyatini o‘rganish, tadqiq qilish natijalari va targ‘ib qilishdagi uslublar keng yoritiladi.Ilmiy, ommabop, badiiy va o‘quv adabiyotlar hamda kitoblarni yaratish, o‘qitish, dars berish, targ‘ibot tadbirlarini tashkil qilishdagi yondashuvlar, OAV, bosma, davriy va internet nashrlarida maqola, chiqish, intervyular, hujjatli filmlar tayyorlash hamda bu borada amalga oshirilishi zarur bo‘lgan masalalar keng muhokama qilinadi, tegishli taklif va tavsiyalar taqdim qilinadi. Shuningdek islom ta‘limotini ajdodlarimiz asarlari asosida ma‘rifiy tushinish va o‘rganish ham ushbu sho‘bada tahlil qilinadi.Ikkinchi sho‘bada: matematika, algebra, geometriya, handasa, falakiyot, geografiya, kimyo, biologiya, zoologiya, fizika, meditsina, arxitektura-qurilish, qishloq xo‘jaligi kabi ilm-fan sohalari rivojiga mintaqa allomlarining qo‘shgan hissalari, ushbu ilmlarning nazariy va amaliy asoslari, ularning jahon ilmiy jamoatchiligi tomonidan turli tarixiy davrlardagi e‘tirofi atroflicha tahlil etiladi.Ushbu ilmiy sohalarni yanada rivojlantirish istiqbollari, oldinda turgan dolzarb vazifalar, shuningdek ulug‘ allomalar asarlarida turli fan sohalariga oid ilgari surilgan ilmiy g‘oyalarning o‘ziga xos jihatlari va ahamiyati atroflicha muhokama qilinadi va bu borada takliflar beriladi.Uchinchi sho‘bada: islom tsivilizatsiyasining tub mohiyatini tashkil etadigan insonlarning ijtimoiy tengligi, o‘zaro hurmat, tinchlik, barqarorlik, diniy bag‘rikenglik, milliy totuvlik kabi tamoyillarning shakllanishi va rivojlanishi masalalari ko‘rib chiqiladi hamda islom dinining ezgulik va tinchlikka, asl insoniy fazilatlarni asrab-avaylashga qaratilgan mazmun-mohiyati keng yoritiladi.Ijtimoiy taraqqiyotga xavf soluvchi har qanday g‘oya – bag‘rikenglik tamoyiliga zidligi, diniy mutaassiblik, ekstremizm, fundamentalizm, terrorizmga qarshi turishi, zo‘ravonlik “virusi” tarqalishining oldini olish, ayrim yoshlarning noto‘g‘ri diniy qarashlarga berilishi va uning oqibatlari, internet va ijtimoiy tarmoqlardan foydalanishda mediamadaniyatni shakllantirish kabi masalalar keng muhokama qilinadi hamda bu borada islom manbalaridagi qarashlar taqdim qilinadi.To‘rtinchi sho‘‘bada: mamlakatimiz ijtimoiy-ma‘naviy hayotida islom madaniyatining tutgan o‘rni, islom madaniyati, san‘ati, jumladan, xattotlik, naqqoshlik, ganjkorlik singari sohalar rivoji, ajdodlarimizdan o‘tib kelayotgan azaliy qadriyatlarimizni asrab-avaylash, kelajak avlodni buyuk allomalar ilmiy-ma‘naviy merosi asosida tarbiyalash, yurtimizda ziyorat turizmini rivojlantirish va uning istiqbollari yoritiladi va tahlil etiladi. Bugungi globallashuv davrida yoshlarning ongi va tafakkurini egallash, ma‘nan zaiflashtirish, milliy qadriyatlardan uzoqlashtirish kabi ma‘naviy tahdidlar, “ommaviy madaniyat” ko‘rinishlari, axborot xurujlaridan yoshlarni himoya qilish va ularda mafkuraviy immunitetni tarbiyalash, “Jaholatga qarshi - ma‘rifat” shiori mazmun-mohiyati bilan bog‘liq masalalar muhokama qilinadi va amaliy tavsiyalar ishlab chiqiladi.Anjumanda ishtirok etish va maqola taqdim qilish shartlari: anjumanga yosh olim va pedagoglar, tadqiqotchi, magistrant va iqtidorli talabalar ilmiy maqolani belgilangan talablar asosida, o‘zi faoliyat olib borayotgan muassasaning tavsiyasi, jiddiy tahrir va ilmiy rahbarning rasmiy taqrizi bilan bepul qabul qilib olinadi. Maqolalar o‘zbek, rus, ingliz, arab tillarida topshiriladi. Anjuman natijasi bo‘yicha ilmiy maqolalar to‘plami nashr etiladi. Anjuman ishi bo‘yicha xulosa hamda taklif va tavsiyalar ishlab chiqiladi.Maqolalar 2018 yilning 14 apreligacha qabul qilinadi. Maqola bosma ikki nusxada va elektron tarzda taqdim qilinadi. Matnda keltirilgan ma‘lumotlarning haqqoniyligiga mualliflar javobgardir.Anjuman ishtirokchilari g‘oliblari har bir yo‘nalish (sho‘‘ba) bo‘yicha alohida rag‘batlantiriladi va munosib ishtirok etganlar I, II, III-darajali diplomlar, qimmatbaho sovg‘alar, faxriy yorliqlar bilan taqdirlanadi.Maqola matni MS Office dasturining WORD 97, 2003 muharririda, Times New Roman shrifti, 14 kegel kattaligi, 1,5 intervalda bo‘lishi va 5 betdan oshmasligi lozim. Maqola matnlari tahrir qilingan holda A 4 hajmdagi qog‘ozga, yuqoridan va pastdan 2,5 sm., chapdan 3 sm., o‘ngdan 1,5 sm. joy qoldirib, 2 nusxada rasmiylashtiriladi. Ma‘ruzachining ismi familiyasi, ilmiy daraja va unvoni (o‘ng yuqori burchak, kursivda, 10 kegelь kattaligidagi shrift, 1 interval), tashkilot va shahar nomi, muloqot telefonlari joy kodi bilan elektron manzil (ikkinchi qatorda) ko‘rsatiladi. So‘ngra 1 interval qoldirib, maqolaning nomi bosh harflar bilan yoziladi. Asosiy matn 1,5 intervalli qatorlarda yoziladi. Manzilimiz: Toshkent shahar, Abdulla Qodiriy 11, (pochta indeksi 100011) Toshkent islom universiteti, “Islom tarixi va falsafasi” fakulteti, “Islom sivilizatsiyasini o‘rganish ISESCO” kafedrasi. Telefon: 2449470, 2440091; faks: 2440065; ye-mail: This email address is being protected from spambots. You need JavaScript enabled to view it., website: www.isesco.uzKonferentsiya mavzusi va nashr etish talablariga javob bermaydigan maqolalar qabul qilinmaydi.
