O‘zbekiston Respublikasi Oliy va o‘rta maxsus ta‘lim vazirligi huzurida 2018 yilda yoshlarga oid davlat siyosatini amalga oshirish bo‘yicha qo‘shimcha chora tadbirlar dasturi”ning 14 bandida belgilangan vazifalar ijrosini ta‘minlash va talaba yoshlar orasida Sog‘lom turmush tarzini targ‘ib qilish, OIV/OITS kasalligi, giyohvandlik, ichkilikbozlik tamaki chekish kabi illatlarning oldini olish maqsadida universitetda qator tadbirlar amalga oshirilmoqda.Jumladan joriy yilning 13-15 mart kunlarii Tabiiy fanlar va Harbiy fakultetlardagi talaba-yoshlar o‘rtasida “Biz sog‘lom turmush tarzi tarafdorimiz” mavzuida davra suhbati o‘tkazildi. Davra suhbatida Viloyat OITS markaz mutaxassisi D. Sattorova, Buxoro shahar 1-son FXDYo markaz rahbari Z. Qurbonovalar ishtirok etdi va so‘zga chiqqan mutaxassislar respublikamizda, shu jumladan viloyatimizda ham OIV infeksiyasi yuqishida migratsiya jarayonining alohida o‘rni borligiga alohida to‘xtaldi. Migrantlar, ayniqsa norasmiy migrantlarning yangi mehnat va turmush sharoiti, oiladan uzoqligi ularning xulq-atvorini o‘zgarishiga sabab bo‘lishi oqibatida ularning OIV infeksiyasi va boshqa jinsiy yo‘l bilan yuqadigan kasalliklarni tarqatadigan xavfli guruhga aylanishiga sabab bo‘layotganligi to‘g‘risida ma‘lumot berishdi.
