“Ta’lim to’g’risida”gi Qonun va “Kadrlar tayyorlash milliy dasturi”da ta’lim-tarbiya jarayonini tubdan isloh qilish va ilg’or pedagogik texnologiyalarni joriy etish, “Ta’lim berishning ilg’or pedagogik texnologiyalarini, zamonaviy o’quv-uslubiy majmualarni yaratish va o’quv-tarbiya jarayonini didaktik jihatdan ta’minlash” ta’lim va tarbiya jarayonining sifat va samaradorligini oshirishda eng asosiy vazifalaridan biri deb belgilab qo’yildi.Oliy ta’lim tizimida faoliyat olib borayotgan professor-o’qituvchilarning pedagogik texnologiyalar va ta’limning interfaol metodlari haqida bilim, ko’nikma va malakalarni yanada oshirish maqsadida Buxoro davlat universitetida 2-3 may kunlari Nizomiy nomidagi pedagogika universiteti “Umumiy pedagogika” kafedrasi mudiri p.f.d. professor Ro’ziyeva Dilnoza Isomjonovna va BuxDU “Pedagogika” kafedrasi mudiri Olimov Shirinboy Sharopovich ishtirokida “O’quv-tarbiya jarayonining samaradorligini oshirishda pedagogik texnologiyalar” mavzusiga bag’ishlab seminar trening o’tkazildi. Seminar treningda ta’limning shaxsga yo’naltirilgan texnologiyalari, ta’limning interfaol metodlari, grafikli organayzer (“Nima uchun”, “Venn diagrammasi”, “Baliq skeleti”, “Klaster” va h.) haqida nazariy va amaliy bilimlar berildi.
