U21 O‘zbekiston chempionati doirasida 15-dekabr, 2025 kuni bo‘lib o‘tgan navbatdagi uchrashuvda Buxoro davlat universiteti yigitlar jamoasi Qoraqalpog‘iston terma jamoasiga qarshi maydonga tushdi.
BuxDU voleybolchilari uchrashuv davomida yuqori mahorat, jamoaviylik va iroda namoyon etib, raqib ustidan 3:0 hisobida ishonchli g‘alabaga erishdi.
O‘yin Buxoro davlat universiteti volleybol zalida bo‘lib o‘tdi va BuxDU rektori Obidjon Xamidov boshchiligidagi universitet vakillari hamda Buxoro davlat pedagogika instituti rektori Baxodir Ma'murovlar tomonidan katta qiziqish bilan kuzatildi.
Ushbu natija BuxDU jamoasining chempionatdagi muvaffaqiyatli ishtirokini yana bir bor tasdiqladi.
Jamoamizni navbatdagi g‘alaba bilan tabriklaymiz va keyingi bahslarda ham omad tilaymiz!
