2018 yilning 4 yanvar kuni Buxoro viloyati Xalq ta’limi boshqarmasi va Buxoro davlat universiteti hamkorligida universitetning 2-o’quv binosida “Mahorat maktabi” yo’nalishida ochiq va ko’rgazmali o’quv mashg’ulotlari tashkil qilindi.Mashg’ulotlarga viloyat o’rta ta’lim muassasalaridagi 1000 nafarga yaqin pedagoglarga o’quv mashg’ulotlari o’tish uchun universitetning tajribali 55 nafar professor-o’qituvchilari jalb qilindilar. “Mahorat maktablari” mashg’ulotlari o’rta maktab o’quv rejalaridagi deyarli barcha fanlar bo’yicha 20 ta yo’nalishda bo’lib o’tdi.O’quv mashg’ulotlari ilg’or pedagogic texnologiyalar bilan zamonaviy axborot kommunikatsiya texnologiyalari yordamida mazmunli o’tkazildi. Ko’plab ma’ruza mashg’ulotlari kirish, axborot, binar munozara shakllarida o’tkazilib, amaliy mashg’ulotlar tinglovchilarning yuqori faollikka undaydigan aqliy hujum, rolli o’yinlar, keys-study kabi zamonaviy pedagogic usullardan foydalanilgan bahs-munozara ko’rinishida o’tkazildi.O’rta maktab pedagog-xodimlari o’tkazilgan tadbir juda samarali bo’lgani, o’zlarining yo’nalishlari bo’yicha yangi bilimlar, shuningdek, mashg’ulotlarni o’tishda yangi pedagogig texnologiyalarni qo’llash bo’yicha ko’rsatmalar olganliklari to’g’risida fikr bildirib, bunday tadbirlarni ko’proq o’tkazish bo’yicha murojaat qildilar. Shuningdek, o’rta maktab darsliklarida ba’zi ko’zga tashlanayotgan muammolar va ularning yechimi to’g’risida fikr bildirdilar. Ko’plab o’rta maktab pedagog xodimlari iltimoslariga asosan bunday tadbirlarni alohida yo’nalishlar kesimida tez-tez o’tkazishga kelishilib olindi. Keyingi tadbir ma’lum bir yo’nalishda joriy yilning 26-27 mart kunlarida o’tkazilishi rejalashtirildi.
