“Huquqiy axborotni tarqatish va undan foydalanishni ta‘minlash to‘g‘risida”gi O‘zbekiston Respublikasining Qonuni bilan Adliya vazirligi huquqiy axborotni tarqatish va undan foydalanishni ta‘minlash sohasidagi maxsus vakolatli davlat organi etib belgilangan.Shunga ko‘ra, vazirlik tomonidan qabul qilingan qonun hujjatlarining, ularga kiritilgan o‘zgartirish va qo‘shimchalarning mohiyati va ahamiyatini ijrochilarga va aholiga o‘z vaqtida yetkazish bo‘yicha ishlar tizimli ravishda amalga oshirib kelinmoqda.Xususan, huquqiy targ‘ibot va ma‘rifatni amalga oshirishning zamonaviy mexanizmlaridan foydalanish maqsadida hozirda aholi, ayniqsa yoshlar o‘rtasida keng tarqalgan “Telegram” messenjerida “Huquqiy axborot” (t.me/huquqiyaxborot), kanali faoliyati yo‘lga qo‘yilgan.Kanalda qabul qilingan yangi qonun hujjatlari to‘g‘risida, shu jumladan O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi hamda O‘zbekiston Respublikasida Ma‘muriy islohotlar kontseptsiyasi doirasida qabul qilinayotgan hujjatlar, qonun hujjatlariga sharhlar, huquqiy infografikalar va aholiga qiziq bo‘lgan huquqiy masalalar bo‘yicha ma‘lumotlar qisqa matnlarda berib boriladi. Huquqiy axborotdan to‘liq va erkin foydalanish imkonini yaratishda, aholi va ijrochilarning huquqiy axborotga bo‘lgan ehtiyoj va so‘rovlarni ta‘minlashda ijtimoiy tarmoqlarning muhim vosita ekanligi inobatga olingan holda, mazkur kanalga barchangizni, universitetning professor-o‘qituvchilari, talabalari ulanishlaringizni so‘raymiz. Ma‘naviyat va ma‘rifat bo‘limi
