O‘zbekiston Respublikasi Vazirlar Mahkamasining 2017 yil 20 iyundagi 393-sonli qarori bilan tasdiqlangan “Oliy ta‘lim muassasalarining bakalavriatiga talabalarni o‘qishga qabul qilish tartibi to‘g‘risidagi Nizom”ning 19-bandiga asosan Davlat komissiyasi qarori bilan belgilangan ko‘rsatgichlarga muvofiq to‘plagan ballari eng yuqori ballning 30% (68.0 ball)dan kam bo‘lmagan va asosiy qabul chegaralariga 4 ballgacha yetmagan abituriyentlar orasidan ballar ketma-ketligiga qat‘iy rioya qilingan holda amalga oshiriladi. Oshirilgan to‘lov-kontrakt miqdori amalda o‘rnatilgan to‘lov-kontrakt miqdoriga nisbatan quyidagi miqdorlarda belgilanadi: to‘plagan ballari tasdiqlangan to‘lov-kontrakt bo‘yicha qabul kvotalari chegarasiga bir ballgacha yetmagan abituriyentlar uchun – 1,5 barobar; 1,1 balldan 2 ballgacha yetmaganlar uchun – 2,0 barobar; 2,1 balldan 3 ballgacha yetmaganlar uchun – 2,5 barobar; 3,1 balldan 4 ballgacha yetmaganlar uchun – 3,0 barobar. Davlat komissiyasi tomonidan belgilangan muddatlarda ushbu miqdorlar bo‘yicha to‘lov-kontrakt shartlari birinchi o‘quv yili uchun to‘liq bajarilgandan so‘ng abituriyent oliy ta‘lim muassasasi rektorining buyrug‘i bilan o‘qishga qabul qilinadi. Mazkur Nizomning 20-bandiga asosan kirish sinovlarida to‘plagan natijalari eng yuqori ballning 30% (68.0 ball)dan kam bo‘lmagan, asosiy kvotalar doirasida va Davlat komissiyasi tomonidan belgilangan qo‘shimcha o‘rinlarga qabul qilinmay qolgan va o‘qish istagini bildirgan abituriyentlarga birinchi o‘quv yiliga amalda o‘rnatilgan to‘lov-kontrakt miqdoriga nisbatan 10 barobardan ortiq oshirilgan to‘lov-kontrakt miqdorida to‘lov to‘lash sharti bilan o‘qishga kirish huquqi beriladi va ushbu abituriyent Davlat komissiyasi tomonidan belgilangan muddatlarda to‘lov-kontrakt shartlarini bajargandan so‘ng, oliy ta‘lim muassasasi rahbarining buyrug‘i bilan o‘qishga qabul qilinadi. Bunda, birinchi o‘quv yili uchun to‘lov-kontrakt miqdori ta‘lim yo‘nalishi xususiyatidan kelib, Davlat komissiyasi tomonidan belgilanadi.BuxDU Qabul komissiyasi.
