2017 yil 11 may kuni Buxoro davlat universiteti katta yig’ingohida «Hyundai Engineering Ltd.» kompaniyasi vakillarining universitet bitiruvchilari va talabalari bilan uchrashuvi bo’lib o’tdi. Tadbir universitet marketing bo’limi, Turizm va Filologiya fakultetlari hamda Buxoro viloyat Mehnat boshqarmasi tomonidan tashkillashtirildi. Uchrashuvda «Hyundai Engineering Ltd.» kompaniyasi vakillari janob Cho Jin Hyun, Djuraev Artur Talifovich, Jabborov Maruf Haydar o’g’li, Buxoro viloyat Mehnat boshqarmasi boshlig’i o’rinbosari Hamza Boboyev, universitet Turizm fakulteti dekani Abror Jo’rayev va Marketing bo’limi boshlig’i Baxtiyor Adizov hamda 200 dan ortiq bitiruvchi va talabalar ishtirok etishdi.Tadbirni Turizm fakulteti dekani Abror Jo’rayev ochib berdi, shuningdek, «Hyundai Engineering Ltd.» kompaniyasi bo’lim boshlig’i janob Cho Jin Hyun, kadrlar masalasi bo’yicha mas’ul Artur Djuraevlar kompaniyaning tarixi, Buxoro viloyati Korako’l tumani Qandim gazni qayta ishlash zovodinning qurilishi loyihasi va mazkur loyiha bo’yicha mahalliy yosh mutaxassislarni ishga qabul qilish tartiblari, bo’sh ish o’rinlari va mehnat sharoitlari to’g’risidagi o’zlarining qiziqarli taqdimotlarini namoyish etdilar.Uchrashuvda unversitetning talaba va bitiruvchilari o’zlarini qiziqtirgan savol va mulohazalari bilan faol ishtirok etishdi. Tadbirda alohida o’zining faolligi bilan ajralib turgan bitiruvchilarga kompaniyaning estalik sovg’alari topshirildi. Ko’tarinki ruhda o’tgan uchrashuv bitiruvchilar va kompaniya vakillarida yaxshi ta’surot qoldirib, kelajakda bunday tadbirlarni doimiy tashkil etib turish buyicha hamkorlik ishlarini jonlantirishga kelishib olindi.
