Buxoro davlat universiteti faoliyati bilan yaqindan tanishish maqsadida Malayziyaning Malaya universiteti rektori Dato' Seri Ir. Dr. Noor Azuan Bin Abu Osman universitetimizda bo`ldi. Mehmonni universitetimiz rektori Obidjon Xafizovich hamda universitet rahbariyati kutib olishdi. Professor Dato' Seri Ir. Dr. Noor Azuan Bin Abu Osman universitetlararo hamkorlik aloqalarini kuchaytirish maqsadida universitetimiz imkoniyatlari bilan tanishdi.
"BuxDUning boy tarixi, matematika, tillar, tarix va axborot texnologiyalarning yangi sohalaridagi yutuqlar menda katta taassurot qoldirdi." -deydi professor Dato' Seri Ir. Dr. Noor Azuan Bin Abu Osman.
Malaya universiteti rektori Dato' Seri Ir. Dr. Noor Azuan Bin Abu Osman hamda BuxDU rektori Obidjon Xafizovich hamkorlik masalalarini muhokama qilishdi. Jumladan, biznes, tibbiyot, matematika, raqamli texnologiyalar, turizm va sunʼiy intellekt sohalaridagi hamkorlik kengaytirildi. Qo'shma hamkorlikning keng imkoniyatlari ko'rib chiqildi. Sun'iy intellekt hamda menejment bo'yicha magistratura hamda PhD dasturlari muhokama qilindi. Shuningdek, uchrashuv davomida sun'iy intellekt va raqamli rivojlanish bo'yicha qo'shma markazlar va hamkorlik rejalari, ikkala universitetda kuchli sohalarda qo'shma hamkorlik uchun keng imkoniyatlar muhokama qilindi.
Tashrif davomida BuxDU Ofis registrator markazi, Robototexnika markazi, BuxDU muzeyi faoliyati bilan yaqindan tanishdi.
Malaya universiteti 1949-yil 8-oktyabrda Malaya shahrida tashkil etilgan birinchi universitetdir. Bugungi kunda universitet dunyoning taniqli tadqiqot institutlari va universitetlari bilan hamkorlik qiladi.
