2024-yil 15-sentabr kuni AQShning Kent davlat universitetining (QS World University Rankings 2024 xalqaro reytingda 1001-1200 o‘rin) Global ta’lim bo’yicha vitseprezidenti Marcelo Fantoni, PhD hamda Kent davlat universitetining Yevrosiyo bo’yicha strategiyalar direktori Ayya Hudayberganovalardan tashkil topgan ikki kishilik delegatsiya Buxoro davlat universitetiga tashrif buyurdi.
Delegatsiya vakillari universitet rektori Obidjon Xamidov bilan uchrashib, ikki tomon uchun manfaatdor bo’lgan hamkorlik yo’nalishlarini muhokama qildilar. Xususan, Kent davlat universiteti vitseprezidenti Marcelo Fantoni tomonidan eng ommabop ya’lim yo’nalishlarini Buxoro davlat universiteti bilan hamkorlikda yo’lga qo’yish ishlari muhokama qilindi. Ikkala universitet tomonidan dizayn, bizness hamda kimyoviy fizika yo’nalishlariga ko’proq ustuvorlik berildi. Bundan tashqari, Kent va Buxoro davlat universitetlarining qo’shma grant loyihlarini ishlab chiqish, professor-o’qituvchilar va talabalar almashinuvi, qo’shma ilmiy tadqiqotlarni amalga oshirish kabi masalar ham muhokama qilinib, Ikki universitet o’rtasida hamkorlik ishlarini jadallashtirish maqsadida yo’l xaritasini tuzish va uning asosida keyingi vazifalarni belgilash kelishib olindi.
