Bugun, 11-oktabr kuni Qoraqalpog‘iston Respublikasi Yuqori Kengashi raisi matbuot kotibi Azamat Ajimuratov boshchiligidagi bir guruh qoraqalpogʻistonlik jurnalist va blogerlardan iborat delegatsiya Buxoro davlat universitetida qoʻshimcha kvota asosida ta’lim olayotgan talabalarga yaratilgan sharoitlarni oʻrganish maqsadida oliygohga tashrif buyurdi. Delegatsiya tarkibida Gulayim Qaniyazova (Hoja.uz telegram kanali admini), Oybek Kengesbayev (Qoraqalpog‘iston teleradiokompaniyasining jurnalisti), Akmal Srajatdinov (Kar24.uz sayti bosh redaktori), Nuratdinov Aysultan (Jaslar TV operatori), Dilmuratov Nurlibek (Qoraqalpog‘iston teleradiokompaniyasining teleoperatori), Nugayev Erboʻl (Qoraqalpog‘iston teleradiokompaniyasining teleoperatori), Rahimov Mirzobek (Kar24.uz sayti muhbiri), Shuhrat Oʻrazbayev (bloger), Begdiyar Utepbayev (bloger)lar ishtirok etishdi. Qoraqalpog‘iston OAV vakillarini universitet rektori Obidjon Xamidov boshchiligidagi rahbariyat iliq qarshi oldi hamda ular uchun Buxoro davlat universiteti boʻylab press-tur tashkil etildi.
2024-2025-oʻquv yilida bakalavriat ta’lim yoʻnalishlariga jami 234 nafar qoraqalpog`istonlik abituriyent, ulardan 122 nafari kunduzgi, 95 nafari sirtqi, 17 nafari kechki taʼlim yoʻnalishlariga qoʻshimcha qabul kvotalari asosida oʻqishga qabul qilindi.
Tashrif davomida mehmonlarga BuxDUda yoshlarni sifatli ta'lim olishi uchun yaratilgan sharoitlar tanishtirildi, jumladan, robototexnika markazi faoliyati, oʻquv auditoriyalari, registrar ofis, sport zallari, talabalar turar joylari, kovorking markazi, Psixologik va sotsiologik tadqiqotlar markazi, yuridik klinika, ARM-kutubxona. Shu bilan birga, dars jarayonlarida ishtirok etib, qoraqalpog‘istonlik talabalar bilan muloqot olib borishdi.
BuxDU Axborot xizmati bo`limi
