Ma’lumki, ushbu o’quv yilidan boshlab Buxoro davlat universitetida AQSHning Webster universiteti magistratura bosqichi, MA TESOL (chet tilini xorijiy til sifatida o’rgatish) mutaxassisligi bo’yicha ta’lim dasturi o’z faoliyatini boshladi. Ayni paytda bu mutaxassislikda yigirma nafar magistrantlar tahsil olishmoqda. Bu dastur asosida tashkil qilingan darslar Xorijiy tillar fakultetining bir qator tajribali professor-o’qituvchilari hamda Webster mutaxassislari tomonidan olib borilmoqda.
19 sentabr kuni Webster universiteti MA TESOL bo’limi boshlig’i Oybek Imomov hamda TESOL dasturi koordinatori Tristan Hikslar universitetga tashrif buyurdilar. Tashrif davomida mehmonlar magistrantlar hamda ularga ta’lim berayotgan professor-o’qituvchilar bilan suhbatda bo’lib, dastur haqidagi fikr-mulohazalari bilan tanishishdilar. Bundan tashqari, mehmonlar universitet rahbariyati bilan ham uchrashib, kelgusidagi rejalarni muhokama qildilar. Tashrif davomida magistrantlarga Webster universitetining maxsus sovg’alari topshirildi.
