Sal kam bir asrga teng (94 yil) tarixga ega bo‘lgan Buxoro davlat universiteti Respublikamizning eng ilg‘or o‘quv yurtlaridan hisoblanadi. Joriy yilda talabalikka qabul qilish soni bo‘yicha mamlakatimiz oliy o‘quv yurtlari orasida beshtalik ichidadir.
Bunda mazkur oliy o‘quv yurtidagi Gʻijduvon filialining ham hissasi katta. O‘zining serqirra ijodi bilan qishlog‘ini dunyoga tanitgan S.Ayniy qishlog‘ida ochilan BuxDU sirtqi ta’lim yo‘nalishi filialida kuni kecha yangi o‘quv yiliga start berildi.
Shu munosabat bilan tashkil qilingan tadbirda oliy o‘quv yurtining professor o‘qituvchilari, kafedra mudirlari, qishloq ahli, keksa o‘qituvchilar, Nuroniylar jamg‘armasi tuman bo‘limi faollari, talabalarning ota onalari, keng jamoatchilik ishtirok etishdi. Tadbirni taniqli ijodkor, oliy toifali suxandon, san’at, teatr sohasida ko‘pgina loyihalar muallifi, psixolog Shavkat Ochilov olib bordi.
Tadbirda so‘z olgan BuxDU O'quv ishlari bo'yicha prorektori Rustam Jumayev oliy o‘quv yurtining erishgan yutuqlariga universitetning Gʻijduvon filiali(boshlig‘i Sh.Gʻaybullayev) ning ham katta hissasi borligini takidlab o‘tdi. Tadbirni elimiz suygan san’atkorlar Yorqin Maxmudov va Shavkat Ochilov hamda talabalar tomonidan ijro etilgan kuy, qo‘shiqlar bezab berdi.
O.GʻAYBULLAYEV
