Buxoro davlat universitetida “Bir bo'lsak – yagona xalqmiz, birlashsak – Vatanmiz!” shiori ostida universitet tashkil topgan kunda 2024-2025 o‘quv yilining boshlanishiga bag‘ishlangan tantanali marosim o‘tkazildi. Tadbir avvalida O'zbekiston Respublikasi Davlat madhiyasi yangradi. Tadbirni universitet rektori Obidjon Xamidov ochib berdi.
Tadbirda universitet rahbariyati, professor-o'qituvchilari, ishchi xodimlari, talabalikka tavsiya etilgan yoshlar va ularning ota-onalari qatnashishdi. Tadbirda BuxDU professori , Sulaymon Inoyatov, Siddiq Qahhorov, Senat a’zosi, Oliy Majlisning Inson huquqlari bo‘yicha vakili (ombudsman)ning Buxoro viloyati mintaqaviy vakili Abira Xusenovalar talalabalarga o'zlarining tilaklarini tiladilar.
Marosimda so‘zga chiqqan Obidjon Xamidov yangi o‘quv yilining barcha talaba va o‘qituvchilar uchun muvaffaqiyatli bo‘lishiga tilakdosh ekanligini bildirdi. Universitetning yutuqlari va kelgusidagi rejalariga to‘xtalib, ilmiy salohiyatni yanada oshirish hamda talabalarga zamonaviy ta’lim berish yo‘nalishidagi islohotlar muhimligi ta’kidlandi.
BuxDU faxriy ustozi, professor Sulaymon Inoyatov o‘z nutqida ta’lim tizimining rivojlanishida universitetning roli va ahamiyati haqida gapirar ekan, kelajak avlodni tarbiyalashda universitetga bo‘lgan ishonchini ifoda etdi.
Shuningdek tadbir so'ngida yuqori ball olib universitetga talabalikga tavsiya etilgan talabalar va ularning ota-onalariga tashakkurnomalar topshirildi.
Tadbir yakunida talabalarga yangi o‘quv yilida omad va zafarlar tilab, bir qator madaniy tadbirlar tashkil etildi. Bu esa o‘quv yilining ko‘tarinki ruhda boshlanishiga xizmat qildi.
Buxoro davlat universiteti Axborot xizmati
