Bugun telegram ijtimoiy tarmoqlarda “Sarson bo‘lgan Buxoro davlat universiteti talabalari” sarlavhasi ostida xabar joylashtirildi. Ushbu xabarga nisbatan Buxoro davlat universiteti axborot xizmati ma’lumotlarni tahlil qilish ishlari olib boshlanganligi va tez orada qo‘shimcha malumotlar berilib borilishini ma’lum qiladi.
Mamlakatimizdagi barcha OTMlarda optimallashtirish amalga oshirilmoqda. Ta’lim jarayonlarini raqamlashtirish natijasida universitetda ham 10 fakultet 8 taga va 39 ta kafedra 34 taga optimallashtirildi. Tabiiy fanlar va agrobiotexnologiyalar fakulteti Buxoro tumani, Raboti qalmoq MFY, 1-uyda joylashgan. Fakultetda 56 ta kunduzgi ta'limda 1000 dan ortiq talabalar tahsil olmoqda. O‘quv jarayonlarini samarli tashkil etish va laboratoriya hamda tajriba sinovlarini joyida amalga oshirishish bo‘yicha sharoitlar yaratilgan. Joriy yilning 20 sentyabrda 400 o‘rinli TTJ ishga tushiriladi.
Ekologiya va geografiya kafedrasida 19 nafar professor-o‘qituvchi faoliyat ko‘rsatadi. Ekologiya va geografiya kafedrasi huzurida 2 ta ta’lim yo‘nalishi va 2 ta magistratura mutaxassisligi bo‘yicha kunduzgi ta’lim shakli bo‘yicha 11 ta akademik guruhda 261 nafar talaba tahsil oladi. 2024/2025 o‘quv yilida Ekologiya mutaxassisligi bo‘yicha kadrlar tayyorlash yo‘lga qo‘yiladi. O‘quv tajriba xo‘jaligining mavjudligi, yangi zamonaviy TTJning barpo etilganligi hamda amaliyotlarni va tajriba ishlarini amalga oshirish bo‘yicha imkoniyatlarning yetarligini inobatga olib, o‘quv jarayoni Buxoro tumani, Raboti qalmoq MFYda joylashgan o‘quv binosida tashkil etiladi. Buning uchun kafedra professor-o‘qituvchilari uchun 219-xona ajratilib, joriy ta’mirlash ishlari olib borildi.
Universitet asosiy binosi bilan transport vositasi yo‘lga qo‘yilgan bo‘lib, 2024 yil 9 sentyabrdan 2 ta avtobus qatnovi amalga oshiriladi.
Buxoro davlat universiteti Axborot xizmati
