So‘ngi yillarda barcha sohalar singari oliy ta’lim tizimida ham keng islohotlar amalga oshirilmoqda. Buning natijasini oliy ta’lim qamrovining 9 foizdan 42 foizga olib chiqilganida va erishilayotgan ulkan natijalarda ko‘rish mumkin.
Bugun, Buxoro davlat universiteti faollar yig`ingohida universitet rektori Obidjon Xamidovning professor-o’qituvchilar bilan uchrashuvi o’tkazildi. Uchrashuvni universitet rektori Obidjon Xamidov “Bir bo‘lsak – yagona xalqmiz, birlashsak – Vatanmiz!” shiori ostida o'tkazilayotgan mustaqilligimizning 33 yilligi munosabati bilan bayram tabrigi bilan ochib berib, professor-o’qituvchilardan ilmiy, o’quv, ma'naviy-ma’rifiy sohalarda faol bo’lishga chaqirdi.
Uchrashuv davomida professor, fan doktori, dotsent, falsafa doktori ilmiy darajasini olgan professor-o’qituvchilarni hamda boshqa yutuqlarga erishganlarni taqdirlash marosimi o’tkazildi. Shuningdek, uchrashuv davomida Scopus bazasida indekslangan jurnallarda eng ko‘p maqola chiqargan «Eng yaxshi ustoz 2024» 3 nafar professor-o’qituvchilar (Durdimurod Durdiyev, To'lqin Rasulov, Kamoliddin Samiyevlar) rektor tomonidan e`tirof etildi.
Uchrashuv davomida Yoshlar masalalari va ma’naviy -ma’rifiy ishlar bo’yicha prorektor Azizbek Amonov, O‘quv ishlari bo‘yicha prorektor Rustam Jumayev, Ilmiy ishlar va innovatsiyalar bo‘yicha prorektor To‘lqin Rasulov, Xalqaro hamkorlik bo‘yicha prorektor Abror Jo‘rayev, Ta’lim sifatini nazorat qilish departamenti boshlig‘i Ziyodullo Nurovlar o'z ma’ruzalari bilan ishtirok etishdi.
Faollar yig`ingohida yig`ilganlarga namunali ota-onalar hamda namunali ustozlar albomi taqdim etildi. Uchrashuvga musiqiy dastur bilan yakun yasaldi.
BuxDU Matbuot xizmati
